SADEONG 80
80
Sambeang motuuk doi mian nakasalamatan
1Tuuk mokatuaiyo konyanyian. Linoingikon kolagu: Bakung bungano. Asaf nakasaksian Sadeongo.
2 #
Tob. 25:22
Oh Kopototooli Israel, lengelekai,
Ikoo komo katuaiyo Yusuf nakatulunan salaku meeng kotambuno.
Ikoo komo osulang doi kulusii batomundoan luwedoi malaekaat modaano kokapilo,
lubatokai tukon mulalaanganan
3doi Efraim, Benyamin tukon Manasye salaano.
Tudoikanggamikai Komukuasa doi kami,
tukon lubatkai Musalamatanggami.
4Oh Mian Bisa, abalikenekai komai tuboan pokakana doi looluk;
mbalenggamikai tukon noasanaang,
sulano mai salamat.
5Oh Temeneno Mian Bisa Mo Babasal Konakuasa,
polong doi tempo oila Komungginalan,
maukai Komumian nasambeang?
6Ikoo tealikene kami kokiil sabab kinaan,
komata leelo tokumbe sabab paisu moininum.
7Ikoo pataikene kobangsa-bangsa mopoloolanikon
yanila posalakon tentang maibuta
komai musuh-musuh kokumbit sanaangan.
8Oh Mian Bisa Mo Babasal Konakuasa, abalikenekai komai tuboan pokakana doi looluk;
mbalenggamikai tukon noa sanaang,
sulano mai salamat.
9Komumian pokakana koanggur batanggo
Ikoo mobiyele luwedoi Mesir.
Bangsa-bangsa bailon Ikoo siikayo,
maka Musakakene kayungdoo doi napo tano.
10Ikoo masadiakene buta doiyana;
maka yana daano koalono motanonggon ate-atean
tukon tokita loas doi posaapon kotano.
11Yana soopiyo kobunggul-bunggono,
tukon koidan kopanga-pangano
tombukiyo koaras babasal batang-batango.
12Kopanga-pangano tobuat bulusan polong doi Tobun Tanga,
kolende lendeno polong doi Efrat Paisunobatango.
13Oh Mian Bisa, bulaando Ikoo molopoyo kopagalo,
sampe sasamba komian moalon mopupu saono?
14Kobabung labo kakate teali manas,
tukon iyayon doi padang komo kaane.
15Oh Mian Bisa Mo Babasal Konakuasa, lubatkai koikoidan,
mbalengkai luwedoi surgaa tukon palaatinggenekai Komumian.
16Salamatekenekai komian mopokakana koanggur batanggo
molapamo Ikoo sakakene susuumu,
tukon koanggur sopiino Ikoo tealikene moonggol.
17Musuh tapeyomo tukon suwayomo;
sobiiyomo yanila nainakate kabus luwedoi Munggimalan.
18Eseepekai komian Ikoo molapamo lilike,
bangkapi pauno molapamo malaat bukuanan doi-Koo.
19Maka akimo koidan mai isa luwedoi Ikoo;
dagaiyokai komai tuboan, sulano mbai nggaale Ikoo.
20Oh Temeneno Mian Bisa Mo Babasal Konakuasa,
abalikenekai komai tuboan pokakana doi looluk,
mbalengekai kami tukon noa sanaang,
sulano mai salamat.
Currently Selected:
SADEONG 80: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
