SADEONG 79
79
Sambeang makabian sulano kobangsa nainoluput
1 #
2Tom. 25:8-10; 2Tund. 36:17-19; Yer. 52:12-14 Asaf na Sadeong.
Oh Mian Bisa, kobangsa moaki natingoniiyo Ikoo
lapamo dungoliyo Komubuta pusaka.
Yanila konggilitiyo Komu Bonua,
tinealikon lipu baloloaan.
2Komuata-ata bajano yanila tinggale
teali tomisi doi dapang nakiaanan.
Sasaibino Komu mian sineang bajano yanila tongo batadikene
teali iyayon mbosolo nakinaan.
3Doi posapoon kokota Yerusalem
saunoila tokundang pokakana kopaisu;
akiyo komo tadine yanila.
4Saibino kobangsa-bangsa mopoloolanikon totulaiyo kami,
yanila kokumbite tukon totulaiyo kami.
5Oh Temeneno, polong sidutukai Komunggimalan,
tukon konoa-Mu namasakitan dulep pokakana kobilat?
6Kundangemokai Komunggimalan doi bangsa-bangsa
moaki tingoniiyo Ikoo,
tukon doi batomundoan-batomundoan
moaki lakukene Komu aturan-aturan.
7Sabab yanila akateyo kabus Komumian,
tukon manase konapo lipu dungolan.
8Inai moukume kami sabab mai tulunan nadosa.
Mamaasikanggamikai namosobit, sabab akiyono komai moinian.
9Tulungikamikai oh Mian Bisa, Mosalamatene kami,
ampuniyokai komai dosa-dosa tukon sobikamikai
teali Mutongodotiian susuumu.
10Inai mopataikene kobangsa bailon namabadaikene kami,
“Inaando konapo Mian Bisa?”
Pataikanggami mokita kobalino
luwedoi bangsa-bangsa moakateyo Komuata-ata.
11Lengelekai komian motinaan namanggadidian,
boliisi komian-mian motinantukono sulano namate
nainotuboi koidan sabab luwedoi Mukuasa.
12Oh Temeneno, balasekai dobangsa-bangsadoo pitu luunggon lipat
sabab sasaibino konapo pototulai motuukdoi-Koo.
13Maka kami Mumian, Mudomba tinotooli,
naikon basukuur doi-Koo tuuk sidutu-posidutukon,
tukon nggaale Ikoo polong doi tulunan paisoboli kotulunan.
Currently Selected:
SADEONG 79: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
