SADEONG 74
74
Sambeang motuuk doi bangsa namerdekaan
1Asaf nanyanyian otunggul.
Oh Mian Bisa, polong posidutukonkai Komu tinggalano kami?
Bulando Ikoo banggadudul nggimoliiyo doi Mumian susuu-Mu.
2Neneekekai Komumian Ikoo mopiliyo salataa doi looluk,
bangsa Ikoo mosobiiyo sulano nateali Koomu.
Neneekekai ko Bunggul Sion,
Ikoo motealikene lipu mudungolan.
3Ndelungiyokai kolipu molapamo tabaak,
sasaibino komo daano doi Mu Bonua lapamo musuh manase.
4Komumusuh-musuh nggenggeleamon doi Mu Bonua,
tukon yanila mongokkondong bandela-bandela manaangan idoo.
5Yanila pokakana komian momatape kayung moaakene konaolowang,
momatape kayung-kayung doi babono.
6Sasaibino kokayung mobinotik yanila manase
tukon olowang maka martelu.
7Yanila suwayo Komu Bonua polong mokopul,
tukon tealikene manggilit Komu lipu sinosubaiyan.
8Yanila yase taaluukene kami sasaibino,
tukon suwayo kabus sasaibino kolipu bakaledaan doi tano nia.
9Nabi-nabi tukon langge-langge minosaindinggon akimo natokita koidan,
tukon akiyo komeengkai komian motoiyo
polong oila kotempono konabanggadudulan buno naiya.
10Polong oila kotempono, oh Mian Bisa, komusuh naiya natotulaiyano Ikoo?
Polong posiditukonkai konapo totulaiyano kosambumu?
11Bulaando moakimo koidan Mutulungikami?
Bulaando Ikoo mobatadikanggamimo?
12Salataa doitumbe Ikoomokai dakutomundo, oh Mian Bisa,
Ikoomokai komo salamatanggami.
13 #
Tob. 14:21
Tukon bukuanan mobolikon langge Ikoo batayo kotobun,
tukon Ikoo pasa-pasayo konaga-naga oluno doi tobun.
14 #
Ayb. 41:11; Sad. 104:26; Yes. 27:1 Ikoo patele ko Lewiaten olu-oluno
tukon Ikoo tealikene yana teali podungoli padang lalomo nakinaan.
15Ikoo lombakene kopaisu matano tukon paisubatango;
kopaisubatango mobabasal Ikoo kotuuliyo.
16Ikookai komo lubatene kooloyo tukon popook,
tukon Ikoo komo tantukene kooloyomatano nadungolan tukon kobituwon.
17Ikoo komo tataapene kodunia nabatas-batas,
kubaiyo kotempo tolukan tukon tempo tolopot.
18Oh Temeneno, nenekekai bulaando komusuh natotulaiyano Ikoo,
kobangsa moaki natoiyo Ikoo kulokisanggene kosambu-Mu.
19Inai mosalakanggene Komumian moakimo natoiyo
konakinubai doi musuh molokis kolimano.
Inai motoliminggene sidutu Komu mian nanasib mosoe.
20Nenekekai Komuperjanjian Ikoo mokubaiyo tukon kami,
sabab komian lakukene konatindakan molobi-lobian
doi sasamba kolipu mokalipokan doi tanonia.
21Inai mobatadikene komian molinailainggon nainakamaa,
boliisi komian mosakisaa tukon motalalais nanggaale Ikoo.
22Kokondongokai oh Mian Bisa, belayokai Komuperkara!
Sabab sasamba kooloyo Ikoo tongo tinotulai
luwedoi mian-mian moaki namangangga doi-Koo.
23Inai motoliminggene Komumusuh-musuh nawowokonan,
konapelekan Komumusuh-musuh pololokon babasal koalaloila!
Currently Selected:
SADEONG 74: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
