SADEONG 73
73
BUKU KOTOLUNO:
SADEONG 73–89
Temeneno naadilan
1Asaf na Sadeong.
Tutuu kai kona monondokan ko Mian Bisa doi Namian,
doi mian momonondok konoano.
2Bai yaku basasakimo,
dakumaanggaan adukono lapus,
3Sabab aki kusanaanggene komian mobabanggaal,
salaata yaku kitayo komian molokis nakauntungan.
4Sabab yanila aki namasakit,
kobutongoila bukuan tukon sehat.
5Yanila aki napo matanggung susah,
aki napo tinepak kamanae pokakana komian bailonggon.
6Tobikon doiya yanila bangga-banggaalo,
tukon sidutu yanila mokubai tindakan molobi-lobian.
7Luwedoi noanoila tobuat kokulokisan;
yanila pasokon tukon tetel-tetel molokis.
8Yanila batotulai tukon bantil-bantile komian,
tukon napo babanggaalan yanila lakukene sulano nalai-lainggene komian bailon.
9Yanila totulaiyo ko Mian Bisa doi surgaa,
tukon yanila babanggaakene konapotuboan doi mian-mian badaang doi dunia,
10sampe ko Mian Bisa namiankai abali maangga doi yanila
tukon yanilakai anggaemo konapoo salita mokala.
11Konapo bantilano, “Ko Mian Bisa aki natoiyo,
Mo Tatandak Tuuno aki namangalati.”
12Bunomodoiyakai kondondoongo komian molokis;
konatuboan aman, konabuat sosuungi momeenggon.
13Tongo palasuma tolong daku dagaiyano sulano konoanggu nasidutu bilisii;
akiyo kogunano daku dodongganano kolalim.
14Sasamba kooloyo yaku tongo tinepak kamanae;
sasamba kododowa yaku sinakisaa.
15Kalu andeno yaku bantile bunodoiya,
yaku kutukemo komupau-pau mopokakana konaumur.
16Bai doi tempo kukakaatean sulano kumangalatikene,
dolanggedoo todudul maaling doiyaku.
17Konapupusan yaku usok doi Temeneno Na Bonua,
sambuno bunodoiya makanasodo kumangalatikene komian molokis napupusan konatuboan.
18Ikoo abese yanila doi loloon momolondol,
tukon Ikoo tongo batadikene yanila tuwong mate kabus.
19Tongo sopiyoman tolong yanila kabus manas,
kulokiskai tuuno konapo tuboan napupusan.
20Pokakana koolumon molapus doi tempo dowa-dowa,
salataa Ikoo kokondong, oh Temeneno, yanilakai lapus.
21Salataa konoanggu aki nasanaang
tukon pokakana mototiik,
22yaku bodoh tukon aki kumangalati,
yaku pokakanamo koyayon doi salaa-Mu.
23Maukai kutataap loolani doi-Koo,
Ikoo taniyo kolimanggu bakalingano.
24Ikoo lolaingaku tukon otinau,
tukon Ikoo talimaaku tukon pongodotii naikon.
25Indee naikon dakubinakonggukon doi surgaa alasene Ikoo?
Sangalaasan Ikoo akiyo daku iniyas doi dunia.
26Maukai kobutonggu sasaibino nateali aki nabukuan,
Ikookai daku malaatan bukuanan, oh Mian Bisa;
doi-Koomokai kona lubatan saibino dakulangge
polong sidutu-posidutukon.
27Komian mootinggale Ikoo naikon malaat silakaan,
Ikoo akateo kabus komian moaki naloingiyo Ikoo.
28Bai doiyaku tutuu konamonondokan sabab yaku daano mopokolanikon ko Mian Bisa.
Ko Temeneno Mian Bisa yaku tealikene lipu soopan,
sulano kumoola basalitakene sasaibino Konakokubai.
Currently Selected:
SADEONG 73: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
