SADEONG 75
75
Mian Bisa, hakim motatandak
1Tuuk mokatuaiyo konyanyian. Kolaguno: Inai momanase. Asaf na Sadeong. Nyanyian.
2Kami sosubaiyo Ikoo, oh Mian Bisa,
kami basukuur doi-Koo
tukon babontilanggene Komu limang mominasaindinggon.
3Mian Bisa bantile, “Doi tempo Yaku motantukene,
Yaku naikon hakimiyo komian tukon adil.
4Kalu kodunia unggot tukon sasaibino kopodungolino
Yakukai komo ekenggele kosudong-sudongo.”
5Doi mian moiyase babanggaal, Yaku bantile
sulano inaimo koidan nababanggaal.
6Tukon doi mian molokis,
sulano inaimo namokubai babanggaalan.
Inai nababanggaakene kobutongo
kai basalita tukon babanggaal.
7Sabab kobahakimian aki nalubat luwedoi tolopot kai doi talise
aki koidan naluwe doi lembet kai doi lalom.
8Bai Mian Bisa susungokai komo hakimiyo
yana ekependeyo komeeng tukon akatandake kobailonggon.
9Konanggimalan ko Temeneno pokakana kogalas doi limano,
dogalaaso daano koanggur paisuno momosopot.
Ko Mian Bisa kundange koantoko,
sasaibino komian molokis doi dunia sio napo inume nakabus.
10Bai yaku tataap babontilanggene Yakub na Mian Bisa,
manyanyikene konggang-nggaalano doiya-Na.
11Yana naikon lotoyo komian molokis nabukuanan,
sabeakai komian monondok sosungi bukuan.
Currently Selected:
SADEONG 75: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
