SADEONG 72
72
Sambeang motuuk doi Tomundo
1Luwedoi Salomo.
Oh Mian Bisa, otunggukenekai Komu ukum doi tomundo,
bekenekai Komuadilan doi tomundo namalane.
2Boliisi nahakimiyo Komumian loingiyo koukum,
tukon nalakukene komian molinailainggon tongo doi naadilan.
3Boliisi komai tano namolumbang tukon nabadaang koasilo,
tukon nadaano kokaadilan doi posaapon kobangsa.
4Boliisi kotomundo nabelayo sasaibino korayat nahak,
tukon tulungiyo komian-mian motalalais
tukon naakateo kabus komian-mian mo lainglainggene yanila.
5Boliisi natataap bataanggon polong doi nakatulunan
konakalumbit kalu danoon kooloyomatano tukon bituwon.
6Boliisi yana nabuno udan mobulus doi padang,
pokakana koudan mobabasal molombayo kokombung-kombung.
7Boliisi kokaadilan natataap pinake popolonggon doi naloonu,
tukon kohasil nalobi-lobian kalu akiyon nakiamat.
8 #
Zak. 9:10
Kona batomundowan naikon tosungi babasal luwedoi tobun polong doi tobun sembeleng,
tobinggakon luwe doi oloyomatano nasumbotan polong doi oloyo matano nasopokan.
9Kopadang lalomo tumbuno naikon somba doiyana
tukon komusuh somba doi aino salaano.
10Kotomundo-tomundo Tarsis tukon kotogong-togong
naikon babayo konasosubakon doi yana.
Kotomundo-tomundo Arab tukon Etiopia
lubat babayo kona lulu.
11Sasaibino kotomundo naikon somba doi salaano,
sasaibino kobangsa naikon teali naata-ata.
12Sabab yana sobiiyo komian molinailainggon moakiyono kona daya,
tukon mian mo talalais masadai doi yana.
13Yana mamasikene komian motalalais tukon korayat biasa,
tukon salamatene komian mosusa natuboan.
14Yana olupute yanila luwedoi napo linailainggonan tukon luwedoi tindakan molobi-lobian,
sabab konapo tuboan daano tuuno koanggano doiyana.
15Tubomokai ko Tuan tomundo!
Boliisi doi yana nasinosubakon komosono moluwe doi Arab.
Boliisi nasinambeanggon sasamba kotempo
tukon nasinotujui sidutu.
16Boliisi kogandum nalobi-lobian doi posaapon kolipu,
tukon kobunggul-bunggulo moono tukon langge-langge mosinakakon.
Boliisi kobutano namolumbang pokakana ko Libanon Bunggul,
tukon konakota tumbuno natosungi pokakana kobulung doi padang.
17Boliisi kotomundo sambuno natinanda sidutu-posidutukon,
tukon konatololongolan natosuungi kalu akiiyon nakiamat.
Boliisi kobangsa-bangsa namangkabi nabinalakaati pokakana yana,
tukon sasaibino komian bantile yana sanaang.
18Tanggaalkai ko Temeneno, Israel miano na Mian Bisa!
Tongo yana komo lakukene kolangge-langge mominasaindinggon.
19Tanggaalkai kosambuno mobabasal sidutu posidutukon;
boliisi naposaapon kodunia namoono tukon natanggaan!
Bunomo doiya konatealian. Amin!
20Polong idoo Daud nasambeang, Isai napau.
Currently Selected:
SADEONG 72: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
