SADEONG 65
65
Nggaalano ko Temeneno tukon mokubaian sukuur
1Tuuk mokatuaiyo konyanyian. Daud na Sadeong doi Temeneno. Nyanyian.
2Oh Mian Bisa, siokai mai nggaale Ikoo doi Sion,
tukon sio mai topatiyo komai dandi doi-Koo.
3Sabab Ikoomokai komo satujuiyo kosambeng;
sasaibino komian lubat doi-Koo
sabab baladosamo.
4Daku dosa-dosa todudul motoong doiyaku,
bai Ikoo ampuniyo.
5Kinatauwankai komian Ikoo molilikemo,
tukon Ikoo uwangemo sulano nadungol doi Mu Bonua.
Kami naikon inakambul tukon sasaibino komo monondok
doi Mu Bonua, doi Mudungolan momoliyous.
6Ikoo timbiliikami tukon beenggami kamanangan,
Ikoo lakukene kolangge-langge mominasaindinggon sulano Musalamatanggami!
Ikoomokai sasaibino kobangsa namoiniyan
polong doi tobun dapango moodoon.
7Tukon mubukuanan ikoo koloyose kobunggul-bunggul,
sulano muokitakenen komukuasa momonondok tuuno.
8Ikoo atadeiyo kotobun naliyookonan tukon kobokol nabasidaan,
tukon Ikoo tealikene aman kobangsa-bangsa nanggabutan.
9Sasaibino kodunia tumbuno matakut tukon odotiiyo
salataa yanila kitayo Komukokubai-kokubai momonondok.
Posaapon kodunia luwedoi bunduno polong doi bunduno
Ikoo kubaiyo kokuweis laba-laba.
10Butadoo Ikoo pialayo tukon Ikoo beena udan.
Tukon Ikoo tealikene malumbang tobikon doiya kohasilo badaang tuuno.
Kopaisu-paisubatango Ikoo ontokiyo moono tukon paisu.
Ikoo masadiakene gandum doi yanila.
Jadi, bunomo doiyakai Komu masadiakanano.
11Ikoo beena paisu kona bajak
tukon Ikoo mbetokiyo kobuta binsi-binsilo.
Ikoo akamanase tukon udan,
tukon Ikoo pialayo kosopi-sopiino motubo molumbang.
12Tobikon Mumonondokan, sasamba kotaun Ikoo sadiayomo kobapupuian;
inaando Komulubatan, daano kokinaan molobian.
13Kopadang gurun moono mbembe tukon domba,
sasaibino kobukutiino linabakon.
14Bulung-bulung doi padang totombuki tukon domba,
kopepelako-pepelako moono tukon gandum.
Sasaibino komian kokuweis tukon manyanyi labalaba.
Currently Selected:
SADEONG 65: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
