SADEONG 64
64
Sambeang makabian soopan
1Tuuk mokatuiyo konyanyian. Daud na Sadeong.
2Oh Mian Bisa, lengelekai daku sambeang doi tempo kususaan,
salamatene kobutunggu luwedoi musuh mominatakuton.
3Osoopakukai luwedoi pomeenggonan komian molokis,
luwedoi mian-mian natetel molokis.
4Yanila kubaiyo koalepoila pokakana kosabel konamamanganan,
tukon masakukon bantilan-bantilan molokis buno panah.
5Luwedoi nabasookonan yanila beasene kosalita mokala,
aki namatakut yanila bapitanaakene komian moakiyo kona salah.
6Yanila bataani moonggol doi naniat molokis,
tukon yanila popikili sulano napokonoikene kotalong;
konapopangaanggon akiyo komo kitayo.
7Yanila mokubai tetel molokis, tukon bantile,
“Komuyu mokubai tetel molicik tuuno.”
Kobangkapi noano tukon konapikilan atean tuuno,
aki namola tinulokii.
8Bai ko Mian Bisa panakene Kona panah doi yanila,
tukon sosinggot yanila pakolono.
9Yanila mate sabab napo bantilan susuungo;
sasaibino komokitayo suwalilinggene ko oluno.
10Maka sasaibino komian naikon teali matakut;
yanila pikikene ko Mian Bisa nakokubai
tukon babotilangene oila komo lapamo Yana lakukene.
11Maka sasaibino komian monondok konoano naikon labalaba
sabab oila ko Temeneno nalinimang.
Yanila naikon soop doiya-Na;
sasaibino komian moloyos konoano banggaal.
Currently Selected:
SADEONG 64: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
