SADEONG 61
61
Sambeang makabian soopan
1Tuuk mokatuaiyo konyanyian. Tukon palamangu mangganano kokacapi. Luwedoi Daud.
2Oh Mian Bisa, lengelekai dakukakabi,
perhatikanggenekai daku sambeang.
3Dodoon luwedoi bonua yaku uwang doi-Koo,
sabab molotomo konoanggu.
Ikoo naikon antokanaku doi lipu dampasan moaman,
lipu motodudul tatandak doiyaku;
4sabab ikookai daku soopan,
batanggonan momonggol luwedoi kumusuh.
5Maukai kupomatekon sobiiyakumo kumonumpang doi-Mu Sandung,
sulano kuaman doi kapilomo lalomo.
6Oh Mian Bisa, sabab ikoo lengelemo dakudandi,
tukon beena doiyaku komian moliyous napusaka.
7Boliisi tomundo nabulusan konaumur,
sampe yana tubo turun-tomurun.
8Boliisi namaparentah polong sidutu-posidutukon
salaku tomundo Mulinilik, oh Mian Bisa,
eseepekai yana tukon seang Muturut-turutonan.
9Maka yaku naikon sidutu manyanyikene konggaalano doi Ikoo,
tukon tapatiyo dakudandi luwedoi oloyo polong doi oloyo.
Currently Selected:
SADEONG 61: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
