SADEONG 60
60
Sambeang makabian tulungan.
1Tuuk mokatuaiyo konyanyian. Loingiyo kolagu: Nasinakasiian kobakung bungano. Nyanyian otunggul moluwedoi Daud, 2#2Sam. 8:13; 1Tund. 18:12 doi tempo nalobosiano ko Aram-Mesopotamia miano tukon Aram-Zoba miano, tukon doi tempo Yoab mule tukon lungguiyo ko 12.000 ko Edom miano doi Asin Pepelako.
3Ikoo nggimoliikami; oh Mian Bisa,
tukon ikoo sobiinggene mai linunggui.
Ikoo nggimolikami;
budodoiya abalinggenekai kami.
4Ikoo unggete ko dunia sampe manas;
kindendekekai komo mapasa-mapasa,
sabab kodunia unggot.
5Ikoo batadikene Komumian natoupiyo kosakisaa motoong;
kami todu-toduwokon pokakana komian malangu.
6Yaku beena ingatan doi mian-mian momoliyous,
sulano napo luput luwedoi ukuman.
7 #
Sad. 108:7-14
Salamatanggamikai tukon Mukuasa, timbiliyokai komai sambeang,
sulano komian-mian Ikoo momamaasikene nasinalamaton.
8Luwedoi nadungolan momoliyous ko Mian Bisa bantile,
“Yaku yase laba tukon Yaku ebes-ebese ko buta Sikem;
ko Sukot Pepelako naikon Yaku undiyo.
9Gilead tukon Manasye daanokai Koonggu,
Efraim Kusonggo besi,
tukon Yehuda Kutongkat botomudoan.
10Bai ko Moab daanokai kutampat kumosiano Koainggu;
Yaku kokuweis sabab manaangan moluwedoi Filistea.
Doi Edom Yaku lombitikene Dakusandaal
salaku paloosan baikon yana Koonggu.”
11Indee naikon komo babaaku doi Edom?
Indee komo tandanaku doi kota mopinangal kayungo?
12Oh Mian Bisa, akikai naikon Mumalaing polaing kami?
Akikai naikon Mumaju polaing komai suludadu?
13Tulungikamikai luwedoi musuh,
sabab kobangkapi napotombonii akiyo kotakoso.
14Tukon Mian Bisa, kita naikon tambongan ngganggasan,
Yanakai komo lungguiyo konda musuh.
Currently Selected:
SADEONG 60: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
