SADEONG 62
62
Maangga doi Mian Bisa nasoopan
1Tuuk mokatuaiyo konyanyian. Loingiyo: Yedutan. Daud na Sadeong.
2Tukon tanaang dakujiwa totiiliyo ko Mian Bisa,
luwedoi yana tolong daku kasalamatan,
3Tongo yana komo osoopaku tukon mosalamatanaku,
Yana teali kupebela, jadi aki kutounggot.
4Polong oila kotempono komuyu sasaibino kopo iyasano molobosiyo sasamba komian
mopokakanamo kosasanggal motombing
tukon pagal bineton moadukono molomboh?
5Komuyu tongo batetel motuwenge yana
luwedoi nabasambuan motatandak.
Komuyu yase bakala-kala,
tukon sumuyu komo mabalakaati,
bai doi noamu lalomo komuyu kutuke.
6Tukon tanaang dakujiwa totiliiyo ko Mian Bisa,
tongo luwedoi Yana tolong dakusalamatan.
7Tongo Yana komo osoopaku tukon mosalamatanaku;
Yana teali kupebela, jadi aki kutounggot.
8Yanamokai ko Mian Bisa mobeenggu kasalamatan tukon tongodotiian,
Yanakai daku soopan tukon dakupebela mobukuan.
9Eh dakubangsa, moinikai doi Mian Bisa sasamba kotempo;
kundange kai konoamu antoko doiyana,
sabab tongo doiyanakai konda lipu soopan.
10Kobangkapi natuboan tongo buno ansaangan idan,
babasal poipoisik pokakana akiyo koanggano.
Kaluna tinimbang, yanila tontong mimilaan,
lobian konamimilaanan tukon ansangan idan.
11Inai moinikene kopo hasil linaat doi mian popinakisaa,
tukon inai balaanggene kobarang molinambas.
Tukon kalu komukasaan sosuungi,
inai konoamu nalapot doi mubuatoo.
12Bubula luunggon kulengele ko Mian Bisa bantile,
baikon kokuasaan lengget luwedoi yana,
13 #
Ayb. 34:11; Yer. 17:10; Mat. 16:27; Rm. 2:6; Ink. 2:23 tukon baikon yana tataap meseseang.
Oh Temeneno, Ikoo, balase sasamba komian
mololoi nakokubai.
Currently Selected:
SADEONG 62: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
