SADEONG 59
59
Sambeang makabian soopan
1 #
1Sam. 19:11
Tuuk mokatuiyo konyanyian. Loingiyo kolagu: Inai moakabuse. Sadeong moluwe doi Daud, doi tempo Saul mosumbolii mian mototooliyo konabonua sulano nainakate yana.
2Oh daku Mian Bisa, salamatanakukai doi kumusuh-musuh,
osoopakukai luwedoi mian molubotiiyaku tukon molawanaku.
3Oluputakukai luwedoi mian mokubaiyaku lokis,
oluputakukai luwedoi mian momangakate.
4Kitayo, yanila todongaku tukon yase moakateaku,
komian-mian nakokubai molokis yanila posumbolii momalawanaku;
padahal bolikon sabab kumokubaiyan lalim
kai lakukanggene kopalanggalan, oh Temeneno.
5Bolikon koidan sabab kukasalahan,
yanila bato-batotobo tukon basa-basadia.
6Mian Bisa Mo Tatandak Tuuno, kokondongkai, tulungiyaku.
Oh Israel na Mian Bisa, sakisiiyokai susuumu.
Bangunkai tukon ukumekai kobangsa-bangsa,
inai moseseange komian molokis moakiyenggene Ikoo.
7Doi tempo kooloyomatano nasopokan yanila abali,
todung-todung pokakana koasu tukon yanila boilingiyo kokota.
8Yanila basindir momeenggon tukon batotulai;
konapo bantilan-bantilan mamangan pokakana kobakoko,
yanila anggene akiyo komo lengele.
9Bai Ikoo kokumbite yanila, oh Temeneno,
sasaibino dobangsadoo Ikoo totulaiyo.
10Ikoomokai dakumonggolan, yaku moini doi-Koo,
Ikoo daku lipu dampasan, oh Mian Bisa.
11Sabab monondokan daku Mian Bisa lubat doiyaku,
Yana batadikanaku mokita dakumusu molinunggui.
12Oh Temeneno, inaikai moakateyo yanila,
sulana dakubangsa aki natomilinggene.
Poalaasenekai tukon lungguyokai yanila tukon Mukuasa,
oh Temeneno mai soopan.
13Sabab yanila baladosamo tukon napo bantilan-bantilan;
batadikenemokai napo tosintak doi napo babanggaalan lalomo,
sabab yanila yase mongutuk tukon bakala-bakala.
14Oh Temeneno doi Munggimalan lalomo akabusemo yanila,
yanila sasaibino sio Muakabuse.
Sulano sasaibino komian yanila toiyomo baikon ko Mian Bisa maparentamo doi Israel,
tukon Kona bapamarentaan luas posaapon kodunia.
15Doi tempo nasopokan kooloyomatano yanila abalimo,
todung-todung pokakana koasu
tukon boilingiyo kokota.
16Yanila lausala momubolii kinaan,
tukon dadaluuwang kalu aki nabobosul.
17Bai yaku manyanyikene tentang Komubukuanan;
sasamba kodowa-dowa yaku manyanyi tukon babasal koalalonggu
tentang seang tukon Mukasetiaan.
Sabab Ikoomokai dakulipu dampasan,
lipu kusoopan doi tempo susaan.
18Oh Mian Bisa, dakumoonggalan, yaku manyanyikene kongganggaalano doi-Koo,
sabab doi Ikoomokai dakulipu soopan,
oh Mian Bisa, yaku mamaasikene.
Currently Selected:
SADEONG 59: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
