SADEONG 58
58
Sambeang makabian pabalas doi mian molokis
1Tuuk mokatuaiyo konyanyian. Loingiyo kolagu: Inai momangakate. Daud na Sadeong.
2Eh sasaibino kopenguasa, adilkai komukaputusan?
Komuyu jujurkai doi tempo poadiliano kobangkapi?
3Aki, pomokubai tetel molokis,
tukon mokubai tindakan molobi-lobian doi lipu nia.
4Komian molokis tapamo salataa doi natiniananggonan
yanila botipumo salataa nasinung.
5Yanila daano konapolasum pokakana kobinda mouposon,
tukon keseke kotolingaino pokakana komeeng kokalambau mobongol
6moaki nalengele komian pandoi motoiyan alalo,
kai mian pandoi guna-guna alalo.
7Oh Mian Bisa, lotoyokai kopai ngoli-ngolingo,
Temeneno, bubutekai kosakilo dosinga-singa monguladoo.
8Sobiyomokai napo lapus buno paisu bukal,
pokakana kopanah matano mokisulo.
9Sobiiyokai yanila napokakana koumang moee teali ngguwook,
pokakana kopaulumboon momate moakiyoon namokita madialan.
10Akiyoon napo sadariyo, yanila inakatemo,
pokakana kokomulaan modaanoon manampal
kobulungo tukon akiyoon nababasal
kabus binengakon mbombuul, doiya adukon
pokakana kolangge mosinakakon momotuul.
11Mokita mian lokis moinukum, komian momoloyos konoanu laba-laba,
tukon kumosiyo koaino doi mian molokis sauno lalomo.
12Komian naikon bantile, “Takainomo komian monondok konoano malaat pahala,
tutuu, daano ko Mian Bisa momangadili doi dunia.”
Currently Selected:
SADEONG 58: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
