SADEONG 56
56
Doi Susaan lalomo moini doi Mian Bisa
1 #
1Sam. 21:13-15
Tuuk mokatuaiyo konyanyian. Merpati lagu: Malapatiing moponga, luwedoi lipu moodoon. Daud na Sadeong salataa Filistin mianno lakeo yana doi Gat.
2Mamaasikanakukai, oh Mian Bisa, sabab yaku linobosi,
banggadudul yaku linoilokis luwedoi kumusuh.
3Popuson kooloyo yaku tinudang-tudang luwedoi kumusuh;
badaangkai komo musuwo yaku,
oh Mian Bisa Mo Tatandak Tuuno.
4Doi tempo yaku matakut,
yaku moinikonggon.
5Yaku nggaale ko Mian Bisa sabab oila komo lapamo paladandikene;
yaku mangangga doi Yana, maka aki kumatakut,
kobangkapi akiyono kona mokubaiyan doiyaku.
6Sasamba kooloyo komusuh nggabute dakupalakala,
banggadudul momeeng yanila mokakaate moosilakaku.
7Yanila mokubai pomenggonan molokis tukon yanila basookon doi lipu motosookon,
tuuk yanila mata-mataiyo sasaibino dakulinakukon,
tukon yanila moumbolii todanan sulano napoakateaku.
8Danokai kasalamatan doi napo kulikisan?
Silakayokai yanila doi Munggimalan lalomo, oh Mian Bisa!
9Ikoo aite daku oloyo-oloyo lausalaan,
tukon Ikoo toiyo kona kadaang komatanggu paisuno,
akikai naikon muaite?
10Doi oloyo kuuangan doi-Koo,
komusuh naikon ninanal dampas,
sabab yaku toiyo ko Mian Bisa ala doiyaku.
11Yaku nggaale ko Temeneno Mian Bisa,
sabab oila konadinandikon.
12Yaku maangga doiya-Na, tobikon doiya aki kumatakut,
kobangkapi aki namoola kubaiyo oioila doiyaku.
13Yaku naikon tapatiyo dakudandi doi-Koo, oh Mian Bisa,
tukon yaku mososubakon sosubakon suukur doi-Koo.
14Sabab Ikoo oluputakumo luwedoi matean,
Ikoo dagaiyaku sulano naaki kutowong.
Sabab doiya yaku mooala tubo doi Mian Bisa nasoopan lalomo,
doi laango motalaangiyo sasaibino komo tubo.
Currently Selected:
SADEONG 56: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
