SADEONG 49
49
Polasuma mobalaanggene kokasaan
1Korah miano na Sadeong. Tuuk doi mokatuaiyo konyanyian.
2Polenglekai, eh sasaibino kobangsa,
potingakenekai, eh kodunia tumbuno,
3mau mian motatangakon, maukai mian moinodotii,
mau mian motalais, maukai mian mokaasa.
4Yaku mabantil bantilan-bantilan pandoian,
daku pandapat atean tuuno.
5Yaku perhatikanggene kosasadeyong,
tukon yaku talangkanggene komaanano tukon yaku lolainge maenggene kacapi.
6Aki kumata kut doi tempo kosulitan,
doi tempo kulinubotiian musuh molokis.
7Yaniladoo balaanggene konakasaan,
tukon babanggaakene konabuat.
8Konatutuuan akiyo komeeng komiankai momoala salamatene koutusomu,
kai mobeale kopotoloso doi Mian Bisa.
9Olikai komo bineekono aki naikon nasukup;
todudul maaling koolino kopotolos butongo,
10sulano naluput luwedoi matean
tukon namoola tubo posidutukon.
11Aki, yana naikon kitayo
baikon komian mopandoikai koidan mate.
Komian molongas tukon mobonggu sasaibino mate,
tukon otinggale konabuat tuuk mian bailon.
12Yanila naikon dungol doi bakibulan polong sidutu-posidutukon;
doiyanakai konapo dungolan pobanggadudukon,
maukai doi looluk nabadaang tuuno konapo buta.
13Kobangkapi aki namoola tubo banggadudul doi nasanaangan lalomo;
pokakana koiyayon, yanilakai naikon mate.
14Bunomodoiyakai konanasib komian mobalaanggene kobutongo,
tukon doi tempo mosinasalaan komian biai tukon bantilan.
15Pokakana kodomba, yana tinantukono mate,
maten naikon komo teali napo pototooli.
Komian moloyos konoano lungguiyo yanila doi tempo dowa-dowa;
kopai butongo mosobit booan doi mian mate nadunia,
dodoon luwedoi dungolan mosanaang.
16Bai ko Mian Bisa naikon sobiiyaku,
yana naikon lapaasaku luwedoi matean nakuasa.
17Inai matakut kalu meeng komian teali kaasa,
tukon konabuat tosungi badaang.
18Sabab doi tempo namatean aki namoola mababa oioila,
konabuat aki naikon nabulus doi kibul polaing yana.
19Tukon koidan kalu andeno daano komeeng komian mobadaang konauntung doi natuboan lalomo,
tukon ngginanggaal sabab nabadaangan konabuat.
20Yana tunduwo kotumbunoila koidan
doi lipu mokalipookan sidutu-posidutukon.
21Kobangkapi aki namoola banggadudul tubo doi nasanaangan lalomo,
pokakana koiyayon, yanakai naikon mate.
Currently Selected:
SADEONG 49: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
