SADEONG 48
48
Sion, Mian Bisa na Kota
1Korah miano nanggalano ko Temeneno.
2Tutuu babasalkai ko Temeneno tukon tanggal tuuno
doi nda Mian Bisa na Kota, doi bunggul bunggulo moliyos.
3 #
Mat. 5:35
Sion, Mian Bisa Nabunggul-bunggulo motatandak monondok
Tomundo Babasal na Kota molinabakon posaapon ko dunia.
4Ko Mian Bisa dungul doi nakamali kombiango lalomo,
jelaskai yana susuungokai komo eseepe.
5Pokitayokai, kotomundo-tomundo pototongi;
yanila lubat yase molobosi.
6Bai yanila masainding, salataa kitayo dobunggul-bunggulo;
yanila pelek tukon bulen nggalanggabut.
7Indaa yanila lolondong matakut tukon seselon,
pokakana kobuine naikon momosuung,
8pokakana kapal momanas doi sokoi lalomo.
9Pokakana konda linongol, naiya kita kitayomo,
doi Temeneno Mo Babasal Konakuasa na kota.
Dokotadoo danokai nda Mian Bisa na Kota,
Yana pialoyo polong sidutu-posidutukon.
10Doi Mu Bonua lalomo
kami pikikene Komumaasi, oh Mian Bisa.
11Kosambuno tololongol tukon ngginaal doi pasaapon kodunia,
Ikoo maparenta tukon adil.
12Sobiiyokai korayat Sion tukon Yehuda napo kokuweis laba,
sabab Ikoo ukumemo kona musuh.
13Poboilingiyokai ko Sion, poboilingiyo yana,
tukon poaitekai konalampu sudongo.
14Palaatikanggene kopagalo binetoon, palesaiyokai konapalataanan,
sulano pomoola basalitakene doi mukatulunan:
15“Iyanakai ko Mian Bisa, nda Mian Bisa tuuk sidutu-posidutukon.
Yana komo lolainge kita polong sidutu-posidutukon.”
Currently Selected:
SADEONG 48: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
