SADEONG 47
47
Mian Bisa Penguasa Babasal
1Korah miano nanggalano ko Temeneno. Tuuk mokatuaiyo konyanyian.
2Pobalaup-laupkai tukon polaba, eh sasaibino kobangsa!
Ponggale ko Mian Bisa tukon koku-kukoweis!
3Sabab ko Temeneno Mo Tatandak Tuuno minatakuton tuuno,
Tumundo Babasal mokuasaiyo posaapon kodunia.
4Yana beena kita kamanangan luwedoi bangsa-bangsa,
tealikene kuasaiyo kita sasaibino kobangsa bense-benseno.
5Yana mopilikene doi kita konda buta pusaka,
kobangsa Nasineang teali ngginaal.
6Ko Mian Bisa libaiyomo konakursi batomundoon,
linoolaing kuko-kukoweisantukon torompet alalo.
7Nanikenekai konggaalono mo tuuk doi Mian Bisa,
nanikenekai konggaalono motuuk doi Natomundo!
8Ko Mian Bisa daanokai Tomundo posapoo ko dunia,
ponggaalekai Yana tukon nyanyian momonondok tuuno!
9Ko Mian Bisa osulang doi Nakursi batumundoan bunggono momoliyos;
Yana parentayo sasaibino ko bangsa-bangsa.
10Sasaibino komo katuaiyo ko bangsa-bangsa yanila posumboli
salaku Mian Bisa nyanyian Abraham nasinosubai.
Sabab ko Mian Bisa daanokai Tomundo doi sasaibino kotombuno,
Yana babasal tuuno tukon inodutii.
Currently Selected:
SADEONG 47: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
