SADEONG 46
46
Ko Mian Bisa lolainge tukon tulunge kita
1Korah miano na Sadeong. Tuuk mokatuaiyo konyanyian. Tukon lagu Alamot.
2Ko Mian Bisa daanokai ndasoopan tukon nda bukuanan;
Yana sidutu basadia tukon moala tulungiyo komian doi kasulitan lalono.
3Jadi aki nda matakut, maukai kodunia natounggot,
tukon kobunggul-bunggul natanggalaup doi tubon lalomo;
4mau kotubon naliyokon tukon babokolan,
tukon kobunggul-bunggul lololondong sabab nabaumbasonan kotobun bokolo.
5Ko Mian Bisa nakota tataap laba sabab daano kopaisubatango molomba,
ko Mian Bisa Mo Tatandaak Tuuno nadungolan.
6Ko Mian Bisa dunggol indaa, tobikon doiya, dokotadoo aki nasilaka;
konatulungiyano doi tempo natobuatan kooloyo panano.
7Ko Mian Bisa tealikene koduluk, maka kodunia teali topipis manas,
sasaibino kobangsa-bangsa susa tuuno
kobatomundoan-batomundoan toduwokon.
8Ko Temeneno Mo Babasal kona kuasa loolainge kita,
Yakub na Mian Bisa eseepe kita.
9Mai, kitayokai oila ko Temeneno nalinimang;
bulaando konaminasaindinggonan komulimang doi dunia!
10Yana atadeyo kopolobosian doi posaapon ko dunia,
kopanah batango tukon kalait Yana manase,
kotombide-tombide matimbuk Yana suwayo.
11Kona bantilano, “Patademokai mopolobosi;
potoiyokai, Yaku nia Mian Bisa,
tango Yaku komo babasal doi sasaibino ko bangsa-bangsa,
tukon Yaku babasal doi posaapon ko dunia.”
12Ko Temeneno Mo Babasal kona kuasa lolainge kita,
Yakub na Mian Bisa eseepe kita.
Currently Selected:
SADEONG 46: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
