SADEONG 42
42
BUKU KOLUANO:
SADEONG 42-72
Sambeang doitano napo sinakukonan
1Tuuk mokatuaiyo konyanyian. Nanian otunggul doi Korah miano.
2Pokakana kodonga mopeleenggene kopaisu doi paisu batango,
bunomodoiya koidan kobutonggu peleenggene Ikoo, oh Mian Bisa.
3Yaku peleenggene ko Mian Bisa motubo,
oila kotempono sulano kumoola ampakon bakaleda doi Na Bonua?
4Oloyo popook yaku kokiil,
tonggo matanggu paisuno komo teli kukinan.
Posopokon koloyo dakumusuh mansadai,
“Inaando komu Mian Bisa?”
5Kunoanggu susah kalu yaku neneeke doi tempo looluk,
salataa yaku ampakon doi Temeneno Na Bonua
pososinggat komian badaang mo adakanggene kobalameanan.
Yaku ambakon matailuk doi ambakonanoo
tukon toloukonan tukon nggale ko Temeneno.
6Bulaando konoanggu mosusah tukon aki nasanang?
Yaku moini doi Mian Bisa.
Maka yaku naikon basukuur koidan doiya-Na,
doi ku Mian Bisa tukon kupasalamat.
7-8Doi tano mai sinakukonan nia konoanggu susah tuuno,
tobikon doiya yaku neneeke ko Temeneno.
Kobutonggu talalin doi solok susaan lalomo,
yaku tinepak lomba nanggalanggabutan;
pokakana ko Yordan Paisunobatango alalo momomuuk
luwedoi Bunggul Hermon tukon Bunggul Mizar.
9Boliisi ko Temeneno tudoikene konaamasi doi tempo oloyo,
sulano doi tempo popook kumoola manyanyi,
tukon sambeang doi Mian bisa, daku tuboan nalenggetan.
10Yaku bantile doi Mian Bisa, mobelaaku,
“Bulaando Ikoo motomilingganaku?
Bulaando mosio kubanggadudul sakisaa,
sabab dakumusuh-musuh pipiikaku?”
11Konoanggu manas tuuno sabab kumusuh napototulai.
Yanila banggadudul mansadai, “Inando komu Mian Bisa?”
12Bulaando konoanggu mosusah tukon aki sanang?
Yaku moini doi Mian Bisa.
Maka yaku basyukul koidan doiya-Na,
doi ku Mian Bisa tukon kupasalamat.
Currently Selected:
SADEONG 42: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
