SADEONG 41
41
Saabeang makabi tangalinan
1Tuuk mokatuaiyo konyanyian. Daud na Sadeong.
2Kinatauwan komian moperhatikanggene komian moaki nabukuan;
ko Temeneno kurunge yana doi tempo kasulitanan.
3Ko Temeneno naikon eseepe tukon pialayo yana,
Yana naikon beena kasanangan doi dunia,
tukon aki nasalakanggene yana doi mamusuh limano.
4Ko Temeneno tulungiyo yana doi tempo naseselonan,
tukon abalikene kona kasehatan.
5Kubantile, “Yaku baladosamo doi-Koo, oh Temeneno,
mamasikanakukai tukon tangalingganakukai.”
6Dakumusuh bantilanku lokis,
yanila yase sulano kumate tukon kutinoliminggon.
7Komian-mian moduutiaku
aki natotubo konoano.
Yanila tongo pototongikene kobilita molokis doi yaku,
maka napo babontilanggene doi yayaa.
8Sasaibino komo masikitanaku poli-polisauk;
yanila bantilanku lokis tuuno.
9Konapo bantilano, “Kona sesel payamo tuuno,
yana tantumo akimo nabangun koidan.”
10 #
Mat. 26:23; Mrk. 14:20; Luk. 22:21; Yoh. 13:18 Tukon koidan daku sobat yaku moanggayo tuuno,
mian mokaan posingkat yaku, lapamo totulaiyaku.
11Mamaasikanakukai oh Temeneno, tangalinganakukai,
sulano kumoola balese kotula-tulanggu nakulokisan.
12Kalu aki kumusuh nalungguiyaku,
toiyakukai baikon Ikoo pokokonoi doiyaku.
13Ikoo tulungaku sabab namoloyosan konoanggu,
tukon kubaiyaku tubo podungoli tuuk mopo sidutukon.
14 #
Sad. 106:48
Nggalekai ko Temeneno, Israel na Mian Bisa!
Nggalekai Yana diabudodoo tukon posidu-sidutukon!
Tealikai bunodoiya. Amin!
Currently Selected:
SADEONG 41: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
