SADEONG 43
43
Sambeang doi tano basakukonan
(Banggadudukanano Sadeong 42)
1Beenggukai kaadilan doiyaku, oh Mian Bisa,
belayokai dakuhak doi bangsa moaki naanggayo ikoo.
Oluputakukai luwedoi mian molokis tukon mobatipu.
2Ikoomokai ko Mian Bisa, tukon dakusoopan;
bulaando Ikoo mootinggalaku?
Bulaando yaku banggadudul sakisaa
sabab dakumusuh-musuh pipiikaku?
3Okitakenekai Komu kasetiaan
sulano natalaangiyaku tukon natandanaku,
sulano kuabali doi Sion, Mubunggul bunggono momoliyos
tukon doi Mu Bonua Dungolan.
4Maka yaku naikon ampakon doi Mian Bisa nabalabaan,
manghadap doi Mian Bisa daku sanangan nalenggetan.
Yaku naikon manyanyi tukon maen kacapi,
tuuk Mungginaal, oh Mian Bisa, ku Mian Bisa.
5Bulaando konoanggu mosusa tukon aki nasanang?
Yaku moini doi Mian Bisa,
maka yaku basukuur koidan doiya-Na,
doi ku Mian Bisa tukon kupasalamat.
Currently Selected:
SADEONG 43: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
