SADEONG 38
38
Sambeangan doi susaan lalomo
1Daud na Sadeong doi tempo namososubakonan sosubakon baingotiian.
2 Temeneno, inai moukumaku doi Munggimalan lalomo,
inai mosakisaaku doi Munggimalan lalomo.
3Komupana taduke pakoloniyo kobutonggu,
yaku rasayo babalat kolima-Mu Mudodokanano.
4Yaku masakit tuuno sabab Munggimalan;
akiyono komosehat doi butonggu sabab daku lalim.
5Yaku tanggalaup doi lomba lalomo luwe kukasalahan,
daku dosa tinanggung tududul motoong doi yaku.
6Dakupakol-pakol bananah tukon booan koboono,
sabab yaku kubaiyomo kobodoan.
7Yaku tootuku tukon tapaku,
sasamba kooloyo yaku murung tukon susa.
8Sesel onas suwayo kobutonggu,
akiyo komo sehat doi butonggu.
9Yaku moonas tuuno tukon kabuso kobukunggu,
yaku mongoluu sabab konoanggu susah.
10 Temeneno, Ikoo toiyo sasaibino dakuminoton,
dakususaan aki natosookon doi-Koo.
11Kopupulosonggu ponding-ponding, kobukunggu kabus,
komatanggu akimo natalaang.
12Kopuli-pulinggi dambas sabab kusesel,
tukon koidan daku sobat-sobat dudungganakumo.
13Komian moiyase akateaku yanila talongganaku;
komo yase silakaaku yanila lubotiiyaku sulano napo akateaku.
14Bai yaku buno mian mobongol moaki namolongol,
pokakana komian moponga moaki nabasilingan.
15Tutuu, yaku pokakana komian moaki namolongol;
tukon tobikon doiya aki kututumbake.
16Bai yaku moini doi-Koo, oh Temeneno,
tukon Ikoo, Temeneno ku Mian Bisa, timbiliyakukai.
17Inai batadikene daku musuh tongo sanaang mokitayo dakususaan,
inai pataikene napo babanggaal kalu daku manggaan tounggoto.
18Yaku adukono tuwong,
banggadudul momeenggon yaku seselon.
19Yaku akiyo daku lalim-lalim;
konoanggu susah mopikikene daku kasalahan.
20Komian-mian momusuwaku badaang tukon bukuwan,
yanila mosikitene bulaando daku kubaiyano dakutuboan.
21Komian mobalese komonondokan tukon kulokisan momusuwo yaku
sabab yaku lakukene komo monondok.
22Oh Temeneno, inai motinggalaku,
inai mododoongon doi yaku, oh daku Mian Bisa.
23Lubatokai soisobit Mutulungiaku,
oh Temeneno daku pasalamat.
Currently Selected:
SADEONG 38: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
