SADEONG 36
36
Banggapi nakulokisan tukon Mian Bisa namonondokan
1Tuuk mokatuaiyo konyanyian. Luwedoi Daud, Temeneno Naata.
Ko banggapi nakulokisan
2 #
Rm. 3:18
Kolalim basilingan doi mian molokis noano lalom,
yana aki namatakut tuuno doi Mian Bisa.
3Yana akuiyo kobutongo hebat tuuno,
tobikon aki natoiyo konasala,
tukon aki namosikitene.
4Konabantilan-bantilan lokis tukon moono bakala-kalaan,
yana akimo koidan lakukene komo monondok tukon kopandoiyan.
5Doi namoolaan yana mokubai tetel molokis;
kona kokubai akiyo komo monondok,
komolokis aki naakienggene.
Ko Mian Bisa namonondokan
6 Temeneno Komu maasi tatandak pokakana kotimbu,
tukon Komu tulut-tulutanan polong doi bunom.
7Komu monondokan tobingkat pokakana kobunggul kona katandak,
tukon Komu kaadilan aten pokakana kotobun dapango naateanan;
kobangkapi tukon iyayon Ikoo pialayo, oh Temeneno.
8Tutuu babasal koanggano Komu maasi, oh Mian Bisa,
kobangkapi soop doi kapilo-Mu lalomo sukano.
9Yanila biyai tukon kinaan molobian doi Mu Bonua,
tukon paisu moininum moluwe doi Mupaisu batango motealikene sehat.
10Ikoomokai konaluwean sasaibino komo tubo,
doi Mumadialan lalomo komai mokitaan madialan.
11Boliisi Mutataap seseange komian motingoniyo Ikoo,
tukon kabaiyo monondok doi mian moloyos konoano.
12Inai batadikanaku kulinubotii mian babanggaal,
kai yaku siniika mian molokis.
13Kitayokai, komian molakukene kokulokisan lapamo tuwong,
yanila tobinggakon tukon akimo namoola bangun koidan.
Currently Selected:
SADEONG 36: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
