SADEONG 34
34
Nggaalano doi namonondokan ko Temeneno
1 #
1Sam. 21:13-15
Daud na Sadeong, salataa yana kakadukon tindo doi Abimelek salaano sabab kona pikikanano napo doiya yana siniika maka nataus.
2Yaku yase basukuur doi Temeneno sasamba kotempo,
tukon aki kutade-tade monggaale Yana.
3Yaku yase babanggaal sebab Temeneno nakokubai;
boliisi komian mopinipiik napo lengele tukon laba-laba.
4Kabasalekai ko Temeneno tukon yaku,
mai ndaposinggat-singgat
mokabasale Kosambuno.
5Yaku sambeang doi Temeneno, tukon Yana timbiliyo,
tukon sobiiyaku luwedoi sasaibino komatakutan.
6Komian mopipiike moini doiya-Na tukon laba-laba,
akiyo konapo alasan sulano napoteali mamaa.
7Komian motinepaki silakaan uwang tukon Temeneno timbiliyo,
tukon sobiiyo yana luwedoi sasaibino konakasulitan.
8Ko Temeneno Namalaekat dagayo komian matakutene ko Temeneno,
tukon sobiiyo yanila luwedoi silakaan.
9 #
1Ptr. 2:3
Lasakanggene susuumu bulaando kona monondokan ko Temeneno,
kinatawankai ko mian mosoop doiya-Na.
10Poodotiiyokai ko Temeneno, eh komuyu Konamian,
sabab komian matakutene ko Temeneno aki nakakulangan.
11Kosinga-singakai malaal sabab akiyo konakinaan;
bai komian mososubayo ko Temeneno aki nakakulangan.
12Lengelekai, eh labuk-labuk sasaibino,
yaku otunggule komuyu moodotiiyo ko Temeneno.
13 #
1Ptr. 3:10-12
Komuyu yasekai nabulusan kopo umur
tukon polasaiyo komo monondok?
14Inai motobuatene ko bantilan-bantilan molokis,
tukon inai poiyase naikon kopandoiyan bakala-kala.
15Dedenggenekai komo lokis, lakukenekai komo monondok,
kakatekenekai kopodamean tukon tutuu.
16Ko Temeneno perhatikanggene komian moliyous,
Yana lengele kalu napo nggeleamon makabi tulung.
17Bai komian mokubai lokis Yana nggimoliiyo;
kalu yanila mate, yanila mosobit tinoliminggon.
18Kalu komian moliyous uwang, ko Temeneno ndongoliyo,
tukon salamatene yanila luwedoi sasaibino kokasulitan.
19Ko Temeneno loolani doi mian mopoi-poisike konoano;
Yana salamatene komian moloto konoano.
20Badaangkai komian monondok nasakisaa tinoupi
bai ko Temeneno sobiiyo yana luwedoi sasaibino.
21 #
Yoh. 19:36
Kobutongo tataap dinagai Temeneno,
luwedoi bukuno akiyo komeengkai komo linoto.
22Komian molokis naikon mate sabab nakulokisan,
komian momosikitene komian moliyous naikon inukum mate.
23Ko Temeneno salamatene Konaata-ata;
komo soop doiya-Na aki naikon nainukum.
Currently Selected:
SADEONG 34: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
