SADEONG 32
32
Pangakuan tukon poompunian
1 #
Rm. 4:7-8
Daud na Sadeong. Nyanyian pongotunggul.
Kinatawankai komian
kona dosa moinompuni,
tukon kona kasalahan kinabikon maaf.
2Kinatawankai komian
kona kulokisan moakimo Temeneno naaite,
tukon komo aki naiyase bakala-kala.
3Kalu akiyoon kuakuiyo daku dosa, yaku sakisaa
sabab yaku tongo mongoluu sasamba kooloyo.
4Oloyo popook Ikoo dodokanaku, Temeneno,
kobukunggu kabus pokakana moinusoki
oloyo panano moonas tuuno.
5 #
2Sam. 12:13
Maka kuakuiyo daku lalim doi-Koo,
daku kasalahan akiyo daku sinookon.
Yaku tutukenemo moakuiyo doi-Koo,
tukon Ikoo ompuniyo sasaibino daku lalim.
6Tobikon doiya sasamba komian momaangga siokai nasambeang
doi tempo natoupiano kokasulitan,
tobikon kalu sidutu kasusahan lubat,
yana aki nakanakon.
7Ikoomokai daku tampat basookonan,
ikoo oluputaku luwe doi kasulitan.
Maka yaku teali kokuweis laba,
sabab ikoo salamatanakumo.
8 Temeneno bantile,
“Yaku naikon tuduikene kololoon mosiyo muloloiyo,
ikoo naikon Kutuntune tukon otunggule.
9Inai buno adalan moakiyo konapikilan,
moiyase nakinamudi
tukon tambang alos sulano naloingiyo.”
10Komian baladosa tinepak sakisaa badaang
bai komian moini doi Temeneno
tataap inosoop doi namaasi.
11Eh mian-mian moliyous, polabakai tukon potedeskai,
sabab oila komolapamo Temeneno lakukene.
Kokuweiskai laba, eh sasaibino komian momoliyous konoano.
Currently Selected:
SADEONG 32: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
