SADEONG 30
30
Sambeang sukuur
1Daud na Sadeong. Nyanyian motuuk doi Mian Bisa Na Bonua nasinelaan.
2Yaku nggaale Ikoo, oh Temeneno,
sabab Ikoo lapamo salamatanaku
tukon aki musodiikene daku musuh nakokuweisiaku.
3 Temeneno ku Mian Bisa, yaku uwang doi-Koo makabi tulung,
tukon Ikoo tangalingganaku.
4Ikoo luputanaku luwedoi matean lalomo,
tukon Ikoo, otuboiyaku luwedoi mian-mian momate.
5Mananikenekai kongganggaalano motuuk doi Temeneno,
eh komian motulut-tulutan,
tukon basukuurkai doi Momoliyous tuuno.
6Sabab tongo napodoiya tolong ko Temeneno nanggimalan,
konamonondokan banggadudul kalu kita danoon motubo.
Doi tempo popook yaku kokiil,
bai kooloyo panano babayo kolabaan.
7Doi tempo kurasaano aman, yaku bantile,
“Yaku naikon aki kulinunggui!”
8Sabab Ikoo monondok konoamu doiyaku, oh Temeneno,
Ikoo tealikanaku pokakana kobunggul momonggol.
Bai doibundu Ikoo basookon luwedoi yaku,
tukon yaku tealimo matakut.
9Doi-Koomo, oh Temeneno, daku uwangan,
doi Temeneno daku makabian,
10“Oila kogunano doi-Koo kalu yaku mate
tukon bulus doi kibul leengo?
Moolakai komian mate nanggaale Ikoo
tukon babotilanggene Komu monondokan?
11Lengelekai, oh Temeneno, tukon seseangakukai,
Temeneno tulungiyakukai!”
12Daku kokiilan sabab susah Ikoo lapamo boliiyo teali salendengan labaan.
Ikoo alayo daku susaan tukon
Ikoo konoiyaku tukon laba-laba.
13Maka yaku aki kuyase batingaakon;
Yaku manyanyikene nggalano doi-Koo
oh Temeneno ku Mian Bisa,
tukon yaku basukuur doi-Koo
polong sidutu-posidutukon.
Currently Selected:
SADEONG 30: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
