SADEONG 29
29
Temeneno alalo doi sokoi lalomo
1 #
Sad. 96:7-9
Daud na Sadeong.
Nggaalekai ko Temeneno, eh sasaibino komakhluk doi surgaa,
nggaalekai Kona babasalan tukon Kona kakuasaan.
2Nggaalekai ko Temeneno sambuno motatandak
sosubaiyokai Yana tukon mapake pakean kaledaan.
3Mian Bisa mobabasal teali duluk doi tobun bunggono,
koalalo tolindungan doi tobun dapango bungguno.
4Ko Temeneno alalo tololongol,
moono kuasa tukon nanggimalan.
5Ko Temeneno alalo lubange kayung-kayung batango,
lotoyo kokauwalu batango doi Libanon.
6Ko Libanon Bunggulo yana kubaiyo osuut buno saapi napau,
Bunggul Siryon osuut doibabo buno banteng napau.
7Ko Temeneno alalo
buno didip popondili.
8Ko Temeneno alalo unggete kopadang lalomo,
ko Temeneno unggete kopadang lalomo doi Kades.
9Ko Temeneno alalo tonggiok-nggiok koberangan batang-batango,
tukon pudule kolon-lon doi bokulung;
ko Temeneno Namian modaano doi Temeneno Na Bonua uwang,
“Nggaalekai ko Temeneno!”
10Kopaisu lomba Temeneno komo kuasaiyo,
Yana salaku Tomundo konakuasa sidutu-posidutukon.
11Boliisi ko Temeneno nabeena bukuanan doi Namian,
tukon nakubaiyo yanila aman.
Currently Selected:
SADEONG 29: LAIBGZ
Highlight
Copy
Compare
Share
Want to have your highlights saved across all your devices? Sign up or sign in