SADEONG 28
28
Sambeangan makabi tulungan
1Daud na Sadeong.
Oh Temeneno, doi Koomo daku uangan,
Ikoo daku pebela, lengelekai daku uwangan.
Kalu Ikoo baponga doiyaku,
yaku pokakana komian mo bulus doi kibul leengo.
2Lengelekai daku kakabi kalu yaku wookon makabi tulung,
tukon kubingkate kolimanggu doi mu bonua salaano momoliyous.
3Inai moakateaku pososinggat komian motinggale Ikoo,
pososinggat komian, molakukene kokulokisan.
Yanila basalita tukon maamis tuuno,
bai kopai noano moono booanan.
4 #
Ink. 22:12
Ukumemokai yanila sabab napo kokubai,
sabab yanila lakukene kokulokisan.
Ukumekai pokokonoi tukon napo kokubai;
beekenekai yanila koukuman mopotimbongii konapo kokubai.
5Yanila aki napusinggene ko Temeneno nakokubai,
kai oila Konalimang.
Maka yana naikon ukume yanila,
tukon silakayo yanila polong sidutu-posidutukon.
6Tanggaalokai ko Temeneno,
sabab yana lengelemo daku kakabi.
7Ko Temeneno kusoopan tukon kupebela,
yaku maangga doi Yana.
Yana tulungiyaku tukon labakene konoanggu;
yaku nggaale Yana tukon lagu sukuur.
8Ko Temeneno beena bukuanan doi Namian,
Yana belayo tukon salamatene kotomundo Naililik.
9Salamatenekai Komu mian, oh Temeneno,
balakaatiyokai Komu mian-mian.
Tealikenekai buno meeng kopadagai doi yanila,
tukon dagayokai yanila polong sidutu-posidutukon.
Currently Selected:
SADEONG 28: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
