SADEONG 27
27
Sambeangan nggaalano ko Temeneno
1Daud na Sadeong.
Ko Temeneno doiyamokai daku madialan tukon daku kasalamatan,
akiyo daku minatakuton
ko Temeneno doiyamokai daku benteng soopan,
yaku aki naikon kulolondong.
2Kalu yaku linobosi mian molokis moyase akateyo yaku,
yanila mokai komo takait tukon otuwong.
3Maukai kulinobosi pasukan mobabasal,
yaku aki kumatakut.
Maukai nateali kopolobosian molawanaku,
yaku tataap moini.
4Tolongo meeng daku kinabi doi Temeneno,
tolongo naiyamo daku minooton;
dungol doi Temeneno Na Bonua sampe pomatekon,
sulano kulakukene ko Temeneno namonondokan
tukon makabi napololaing.
5Ko Temeneno osoopaku doi tempo kasulitanan;
yana sookanaku doi nabonua lalomo,
tukon bingkataku doi bunggul batu bunggono.
6Bododoiya yaku manaang luwedoi kumusuh motikumaku;
maka tukon kokuweis laba
yaku sosubakene kososubakon sukuur doi Mu Bonua
yaku yase manyanyi tukon nggaale ko Temeneno.
7Oh Temeneno, lengelekai kalu kuuwang doi-Koo,
mamaasikanakukai tukon timbiliyakukai!
8Ikoo bantile, “Lubatokai mososubai Yaku?”
Yaku timbiliyo, “Yaku soisobit lubat, oh Temeneno;
9inaikai basookon luwedoi yaku.”
Inaikai monggimal tukon tolake komuata,
sabab Ikoomokai komo lapamo tulungiyaku.
Inaikai moaisene kai natingkalaku,
oh Mian Bisa, mosalamatanaku.
10Maukai tama tukon tina natinggalaku,
ko Mian Bisa naikon pialaaku.
11Tudoikanakukai komu mongiasan, oh Temeneno,
tuntunakukai doi loloon momoliyous,
sabab daku musuh todudul badaang.
12Inai mosalakangganaku doi kumusuh namongiasan,
molubotiiyaku tukon kala-kala tukon molawanaku.
13Yaku anggayo naikon motoupiyo ko Temeneno namonondokan
doi kutuboan lalomo nai dunia nia.
14Moinikai doi Temeneno,
kabukuanggenekai tukon ekenggelekai konoamu;
oh, moinikai doi Temeneno!
Currently Selected:
SADEONG 27: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
