SADEONG 24
24
Tomundo Momulia
1 #
1Kor. 10:26
Daud na Sadeong.
Kodunia tukon sasaibino koantoko Temenenokai koona,
dunia tukon sasaibino komo dungoliyo.
2Yana binggakene kona alas doi tobun bunggono,
tukon yana kenggele doi bunggono kopaisu moatean.
3Indekai komomoola liba doi Temeneno nabunggul bunggono,
tukon usok doi Na Bonua lalomo?
4 #
Mat. 5:8
Komian moaki sosiboliyo kopikilan tukon nakokubai,
mo aki nabatotopi kala
tukon aki nasosuba doi pilogot.
5Yanamokai naikon komo binalaakati tukon Temeneno salamatene,
tukon ko Mian Bisa okitaikene akiyo konasala.
6Bunokai doiya komian molubat momangadap doi Mian Bisa,
molubat sosuba doi Yakub na Mian Bisa.
7Bukayomokai nabebelan-bebelan kotataapon babasal momotuamo,
sulano nausok ko Tomundo momulia.
8Indeekai dotomundoo momulia?
Yanamokai ko Temeneno motambongan barani;
Temeneno momoono kona kuasa,
mosidutu manaang dopolobosian lalomo.
9Bukayokai nabebelan-bebelan kotataapon momotuamo,
sulano nausok ko Tomundo momulia.
10Indeekai ko Tomundo momulia?
Temeneno Mo Babasal konakuasa,
Yanamokai ko Tomundo momulia!
Currently Selected:
SADEONG 24: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
