SADEONG 23
23
Temeneno komo dagaiyaku
1Daud na Sadeong.
Temeneno pokakana komeeng komian padagai tuuk doiyaku,
yaku akiyo daku kakurangan.
2 #
Ink. 7:17
Yana nggenggelenge yaku
doi padang lalomo momolumbang.
Yana tuntune yaku
ampakon doi paisu momolino.
3Yana beenggu bukuanan mosoodo,
tukon tuntune yaku doi loloon mokana,
pokokonoi kona janji.
4Maukai kuloloiyo kopepelako mokalipookan,
aki kumatakutene kosilakaan,
sabab Ikoo lolaingaku.
Ikoo osoopaku
pokakana komeeng komian padagai
moosoope kona domba
tukon tongkat tukon gada.
5Ikoo sadiayo kolamean doiyaku
doi kulawan matano salaano
Ikoo lobotiyaku
salaku mian lubat moinodotii.
Ikoo inumiaku
lobo momaamis mo lobi-lobian.
6Yaku toiyo Ikoo monondok doiyaku
tukon ikoo sidutu mamaasikanaku.
Maka yaku moola dungol doi Mubonuwa,
sampe yaku daanon motubo.
Currently Selected:
SADEONG 23: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
