SADEONG 25
25
Sambeang makabian pololaing tukon soopan
1Daud na Sadeong.
Doikoomo, oh Temeneno, daku libakanano daku sambeang.
2Oh daku Mian Bisa, yaku anggayo Ikoo!
Inai mosodiiyaku kuinakamaa,
tukon daku musuh-musuh kokuwesiyaku.
3Komian mootunggule Ikoo naikon inakamaa
bai komo maangga doikoo aki naikon nainakamaa.
4Tudoikanakubai Komu mongiasan doiyaku, oh Temeneno,
bantilemo oila komo sio kulakukene.
5Otunggulakukai tukon tuntunakukai
sulano kutubo loloiyo komu mongiasan,
Sabab ikoomokai ko Mian Bisa mosalamataku,
yaku sidutu moini doi-Koo.
6Neneekekai komu monondokan tukon komu maasi, oh Temeneno,
Ikoo mo tudoikene salataa doi tumbe.
7Ompuniyokai dakulalaim tukon daku kasalaan doi tempo kutabokonan,
nonokakukai pokokonoi tukon seang tukon komu monondokan.
8Sabab ko Temeneno monondok tukon adil,
Yana tudoikene kololoon doi mian motapa.
9Kotemeneno tuntune komian moekependeyo konoano,
tukon otunggule yanila doi namongiasan.
10Komian molongoliyo konapaladandian tukon Kona hukum,
Yana lakukene tukon maasi tukon satia.
11 Temeneno ompuniyakukai pokokonoi tukon Mujanji,
sabab babasalkai daku kasalahan.
12Ko Temeneno otunggulikene doi mian momatakutene yana,
kololoon mosio napololoiyo.
13Yanila naikon tubo tataap badaang konapo hasil.
Konapo pau tumbu naikon komo laate konapo buta pusaka.
14Ko Temeneno posobat tukon komian momaangga nasobat,
yana bontiikene konamakisud doi yanila.
15Komatanggu tataap mbaleng doi Temeneno,
sabab yana salamatanaku luwedoi silakaan.
16Mbalengakukai, tukon mamaasikanaku,
sabab yana salamatanaku luwedoi silakaan.
17Konoangggu nasusaan pololokon tosuungi
sobiyakukai luwedoi kutuboan nasusaan.
18Palaatikanggenekai daku sakisawan tukon daku kasulitan,
tukon ompuniyokai daku lalim.
19Kitayokai bulaando kona badaangan daku musuh;
yanila mosikitanaku tuuno.
20Dagaiyakukai tukon salamatanakukai,
sulano naaki kumalaat maa,
sabab yaku soop doikoo.
21Biliisi komu monondokan tukon komu moloyosan nalolaingaku,
sabab yaku moini doikoo.
22Oh Mian Bisa, sobiyokai komu mian
luwedoi sasaibino kotuboan nasusaan.
Currently Selected:
SADEONG 25: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
