SADEONG 21
21
Nggaalekai luwe kamanangan
1Tuuk mopimpine konyanyian. Daud nangganggalano ko Temeneno.
2Oh Temeneno, tomundo labalaba sabab
Ikoo lapamo kobukuanggene yana;
yana labalaba tuuno sabab
kamanangan Ikoo mobeekenemo doiyana!
3Ikoo lapamo okoonoyo konoano namongiasan,
tukon ikoo beekene oila kona kinabi.
4Ikoo lubat doiyana tukon balaakat molobian,
tukon ikoo konoikene kosongko mosoni doi oluno,
5Yana makabi tubo, tukon Ikoo beekene doiyana,
tukon koidan yana tubo malumbit tuuk sidutu-posidutukon.
6Tobikon Mutulungan yana teali inodoti tuuno,
Ikoo tealikene yana tololongol tukon tanggaal.
7Ikoo balakaatiyo yana tuuk pobanggadudukon;
Komudaanoan tealikene yana labalaba tuuno.
8Tumondo moini doi Temeneno Mo Tatandak Tuuno,
yana sidutu aman sabab Temeneno tataap seseange.
9Yana naikon taane sasaibino konamusuh,
tukon lakoyo sasaibino komian mo mosikitene Yana.
10Yana lubat pokakana kobilat mo kolot-kolot
tuuk mosuwayo kabus yanila.
Yanila inakate kabus luwe Temeneno nanggionalan,
tukon luwe bilat mo okopule yanila.
11Luwedoi napo kotulunan akiyo komo totinggal,
kotomundo naikon akateyo kabus yanila sasaibino.
12Kalunaikon yanila mokubai tetel molawane kotomundo,
konapo pondoiyan batipu akiyo naikon kohasilo.
13Yana naikon konoikene doiyanila kopanah,
sampe yanila abali tukon bulen.
14Kami nggaale Ikoo Temeneno, sabab babasalkai komukuasa,
kami manyanyi nggaale Komu bukuaanan.
Currently Selected:
SADEONG 21: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
