SADEONG 20
20
Sambeang makabian manangan
1Tuuk mokatuaiyo konyanyian. Daud na Sadeong.
2Biliisi Temeneno timbiliyo ikoo doi tempo susaan,
biliisi Yakub na Mian Bisa nakuasa naseepene ikoo!
3Boliisi namakapatu potombonii luwedoi Na Bonua,
tukon mebee tulungan luwedoi Bunggul Sion.
4Boliisi naneneeke naikon sasaibino komusosuba,
tukon sanaang luwwedoi musosubakon mosinua.
5Boliisi na beenggon sasaibino komu iniyas,
tukon kubaiyo sasaibino komu tetel daano kona hasil.
6Maka kami wookon labalaba sabab komai manaangan,
tukon kami bingkate komai bandera-bandera tuuk kami monggaale komai Mian Bisa.
Boliisi ko Temeneno natalimayo sasaibino komai kakabi.
7Budodoiya yaku toiyo baikon ko Temeneno mebee kamanangan
doi tomundo Nalinilik.
Ko Temeneno timbiliyo yana luwedoi Nasurgaa mo moliyous;
luwe Temeneno nakuasa yana malaat kamanangan mababasal.
8Daano komian mo banggaakene kona kereta polobosian,
daan koidan komo banggaakene kona adalan.
Bai kita banggaakene ko Temeneno nakuasa, nda Mian Bisa.
9Yanila takait tukon tuwong,
bai kita bangun kokondong bukuan.
10Oh Temeneno, beenakai kamanangan doi tomundo,
timbilikamikai doi tempo mai uwangan.
Currently Selected:
SADEONG 20: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
