SADEONG 19
19
Konababasalan ko Temeneno doi nabapasitakaan tukon Naukum lalomo
1Tuuk mokatuaiyo konyanyian. Daud na Sadeong.
Konababasalan ko Temeneno doi Nabapasitakaan
2Kotimbu okitakene ko Mian Bisa nababasalan,
tukon dapang popitoikene konalimang.
3Oloyo komeengo pelenggene doi oloyo mobailonggon;
popook momeeng basalitakene doi popook mosalaando.
4Akiyo komo basalita kai mo bantil-bantil;
akiyo koalalo molinongol.
5 #
Rm. 10:18
Bai kona uangan linongol doi posaapon kodunia,
dotetebadoo polong doi dunia bundu-bunduno.
Ko Temeneno mokubai bonua doi timbu tuuk doi oloyo matano,
6dowa-dowa yana tobuat kopanano
pokakana kobababu malane motobuat luwedoi nakombiang,
pokakana kotalenga molaba-laba salataa tambune konaampakonan.
7Yana manisikiyo kotimbu luwedoi bunduno ampakon doi bunduno;
akiyo komoluput luwedoi namonasan.
Temeneno Naukum
8Ko Temeneno naukumoo talakana,
tealikene sanaang kopalasaan.
Ko Temeneno naparentah moola inangga,
beena pandoiyan doi mian mobatangakon kona tuboan.
9Ko Temeneno naaturano tapaat,
tealikene konoanggita.
Ko Temeneno nakatatapanoo moliyous,
tealikene komian momangalati.
10Tulu-tulutan doi Temeneno doiya monondok,
banggadudul sidutu-posidutukon.
Do Temeneno doo naukum bisa
tukon adil sasaibino.
11Ko Temeneno naukum lobian koanggano luwedoi mosoni tulen,
lobian maamis luwedoi dokot motulen.
12Komuata iningotikon doi sasaibino doiya;
kotambo babasal tasadia doi mian moloingiyo.
13Akiyo komoola toiyo konatataapan;
Temeneno, sobiyakukai luwedoi kusala motosookon.
14Dodongganakukai luwedoi lalim mosinangajai,
inai batadikene nakuasaiyaku.
Tobikon doiya aki kuteali sala,
tukon tongosodii luwedoi palanggaran momotong.
15Biliisi daku batilan-bantilan tukon daku pikilan
pokokonoi doikoo, oh Temeneno,
dakusoopan tukon daku potolos!
Currently Selected:
SADEONG 19: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
