SADEONG 146
146
Mian Bisa pasalamat nangginaalan
1Nggaalekai ko Temeneno!
Eh daku jiwa, nggaalekai ko Temeneno!
2Kalu yaku daanoon motubo yaku yase monggaale ko Temeneno
tukon yaku manyanyi doi ku Mian Bisa kalu yaku danoon.
3Inaikai momoini doi ponguasa,
doi banggapi mo aki namoola salamatene konda tuboan.
4Kalu yanila mate, yanila abali doi buta;
doi oloyodoo koidan sasaibino konapo tetel lapus.
5Kinatauwankai komian mo balaanggene ko Temeneno na Mian Bisa,
tukon balaanggene Yakub na Mian Bisa salaku napotulung.
6 #
Kis. R. 4:24, 14:15 Iyanamokai komo tealikene kotimbu tukon buta,
tobun tukon sasaibino koantoko;
Yana tataap setia sidutu-posidutukon.
7Yana belayo komian molinai-lainggon nahaak,
tukon beena kaan doi mian momalaal.
Ko Temeneno bebaskanggene sasaibino komian motinaan,
8tukon kubaiyo komian mopiit teali mokita.
Yana koloyose komian mo tuwong,
tukon seseange komian mo jujur.
9Yana lindungiyo komian molulubaton;
tukon tulungiyo sasaibino kobalu tukon kopau tuboon,
bai Yana akiyenggene komian molokis natetel.
10Do Temeneno doo Tomundo tuuk sidutu-posidutukon.
Eh Sion, komu Mian Bisa berkuasa doi dunia nia polong doi nakiamatan.
Nggaalekai ko Temeneno!
Currently Selected:
SADEONG 146: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
