SADEONG 143
143
Sambeang makabian tulungan
1Daud na Sadeong.
Oh Temeneno, lengelekai daku sambeang,
palatikanggenekai daku kakabi,
Timbiliyakukai luwedoi Mukesetiaan,
talimayokai daku sambeang luwedoi Muadilan.
2 #
Rm. 3:20; Gal. 2:16
Yaku nia Mupeleleani, inaikai moadiliyaku,
sabab akiyo komeeng komian mo akiyo kona salah doi salaamu.
3Daku musuh lapamo lolongganaku tukon lungguiyakumo,
tukon usokanakumo doi talunggu lalomo mokalipookan;
tukon koidan yaku teali pokakana komian momalumbito kona matean.
4Molotomo daku semangat,
tukon bingungo tuuno konoanggu.
5Kalu kuneneeke kooloyo-oloyo molapamo;
kupikikene sasaibino kokubai,
tukon kalu pikikene sasaibino Komu limang.
6Yaku sambeang doi-Koo tukon totidokon kolimanggu;
pokakana kobuta momotuul, totubo konoanggu napoloongganano Ikoo.
7Oh Temeneno, timbiliyakukai namosobit,
sabab akiyono daku moinian.
Inaikai mobasookon luwedoi yaku,
sulano naaki kubuno mian molapamo bulus doi mian mo mate natampat.
8Sasamba kododowa ingotiikanakukai Komu seang,
sabab tongo doi-Kookai daku moinian.
Tudoikanakukai kololoon mosio kuloloiyo,
sabab tongo doi-Kookai daku sambeangan.
9Yaku lubat yase soop doi-Koo,
oh Temeneno oluputaku luwedoi kumusuh-musuh.
10Otunggulakukai molakukanggene komu mongiasan,
sabab tongo ikookai daku Mian Bisa.
Konoamu monondok tuuno,
tukon naikon andanaku doi loloon momesea.
11Oh Temeneno, salamatanakukai pokokonoy tukon Muperjanjian
tukon luwedoi monondokan, oluputaku luwedoi kususaan.
12Luwedoi Mumaasi akateomokai sasaibino daku musuh,
tukon akatemo kabus sasaibino komo lailaingganaku,
sabab yaku nia Muumat.
Currently Selected:
SADEONG 143: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
