SADEONG 142
142
Sambeang makabian tulungan
1 #
1Sam. 22:1–24:3
Daud nanyanyian otunggul, salataa yana daano doi leeng lalomo.
2Babasal tuuno koalalonggu mouwang doi-Koo Temeneno;
tukon alalonggu molongol tuuno yaku makabi Nabantuan.
3Yaku mongoluu tuuno doi Yana salaano;
tukon yaku popitoikene sasaibino daku kasusahan doiya-Na.
4Tukon doi tempo naadukonan kabus daku moinian,
bai ikoo toiyo oila komo sio kulakukanggene.
Kololoon mo sio kuloloiyo,
baanggokai komusuh talongganakumo.
5Doi tempo kumbalengan doi lisukonggu,
yaku kitayo komo tomboniiyaku.
Akiyo komo osoopaku,
kai komo pusinggene naikon kobutonggu.
6Oh Temeneno, yaku uwang doi-Koo,
sabab doi-Koo mokai daku soopan,
tukon tongo doi-Kookai daku pinalaluukon doi kutuboan lalomo nia.
7Palatikanggenekai daku uwangan doi-Koo,
sabab yaku sakisaamo tuuno.
Salamatanakukai luwedoi kumusuh-musuh,
sabab konapo bukuanan liisiyo daku bukuanan.
8Oluputakukai luwedoi talunggu,
sulano doi Muumat napototongian tanga-tangano
yaku naikon nggaale kosambumu,
sabab Ikoo lapamo mokubai monondokan doiyaku.
Currently Selected:
SADEONG 142: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
