SADEONG 141
141
Sambeang popook
1Daud na Sadeong.
Oh Temeneno, yaku uwang doi-Koo, tulungiyakukai soisobit!
Longolakukai kalu yaku uwang doi-Koo.
2 #
Ink. 5:8
Talimayokai daku sambeang salaku sosubakon kamangian,
tukon kolimanggu mo topopong salaku sosubakon popook.
3Oh Temeneno, dagaiyokai kobabanggu
tukon awasiyokai kosuunggu.
4Dodoongganaku komokubaiyan langge mo lokis.
Inai mopataikanaku mopomeenggon tukon komian molokis
tukon malaing kaan doi napo lamean lalomo.
5Kalu daano komeeng komian momonondok motoguuraku,
tukon kalu sanaang konoano mootunggulaku,
doiya pokakana kolisison mo monondok tuuno doiyaku.
Boliisi naaki kutolake,
sabab yaku banggadudul sambeang motentaange konapo kulokisan.
6Kalu sasaibino konapo ponguasa
sinakukon doi batu namoto-motombingan,
maka nasodo napo akuiyo baikon daku bantilan-bantilan tutuu.
7Kobuku-bukunggita naikon bineason doi bakibulan bibilo
pokakana komeeng kobatu mopinipis doi buta.
8Oh Temeneno daku Mian Bisa, yaku tataap moini doi-Koo,
inai mopataikanaku momate, sabab tongo doi-Koo daku soopan.
9Dedeenggene konapo talong doiyaku,
moluwedoi mian-mianoo molokis napukat.
10Pataikenemo napo kana doi napo pukatoo,
bai boliisi koonggu kusalamat.
Currently Selected:
SADEONG 141: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
