SADEONG 140
140
Sambeang makabian soopan
1Tuuk mokatuaiyo konyanyian. Daud na Sadeong.
2Oh Temeneno, oluputakukai luwedoi mian molokis,
jagaiyakukai luwedoi mian mo mokubai tindakan mokaraas.
3Yanila mokubai tetel mo lokis doi noanoila lalomo,
tobikon doiya sasamba kooloyo lubatene koponggelekiyan.
4 #
Rm. 3:13
Kopai alepo pokakana kobinda moupason,
konapo bantilan-bantilan pokakana kobindda posiyuk upaso.
5Oh Temeneno, osoopakukai luwedoi mian mo lokis nakuasa,
jagaiyakukai luwedoi mian momokubai tindakan mokaraas
mo mokubai maksuud sulano naotuwongaku.
6Komian mobabanggaal aki nabiyok-biyok banggonkai talongganakumo,
tukon beleatenemo kopukat sulano nalakowaku.
Doi popupuson kololoon yanila mokubai talong
sulano napo lolongganaku kukana doi talongoo.
7Oh Temeneno, yaku bantile:
Ikoomokai daku Mian Bisa,
palatikanggenekai daku sambeang makabian tulung.
8 Temeneno, daku Mian Bisa, daku pasalamat mo bukuan,
Ikoo lindungiyakumo doi polobosian lalomo.
9Oh Temeneno, inai modaanekene komian molokis namongiasan,
tukon akiyenggene konapo tetel.
10Inai mopataikene daku musuh namonaang;
pataikenemo kobantilan-bantilan molokis yanila mobantile
sulano donapo bantilan-bantilanoo molokis naabali tepake
kobutongoila sabab yanila tongo mokubaiyanggu pitanaa.
11Pataikenemo napo linubotii sesel molokis tuuno,
tukon napo sinakukon doi bitu lalomo
sulano naakimo napo moola tobuat koidan.
12Pataikenemo komian momokubai tindakan mokaraas sulano napoo tinepak bahaya molokis,
inai mopataikene komian mobapitanaa namodungoli dunia.
13Yaku toiyo Ikoo mebee kaadilan doi mian molinai-lainggon,
tukon belayo komian motalalais naulusan.
14Komian momoloyos konoano naikon nggaale Ikoo;
tukon yanila naikon podungoli Ikoo.
Currently Selected:
SADEONG 140: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
