SADEONG 138
138
Sambeang basukuuran
1Luwedoi Daud.
Oh Temeneno, yaku yase mobasukur doi-Koo,
tukon tootubo konoanggu.
Doi sasaibino kolangge modaano konakuasa salaano
yaku manyanyikene konggaalano Ikoo.
2Yaku somba sasalaane Komu Bonua momoliyous
tukon yaku nggaale kosambu-Mu,
sabab Ikoo tataap setia tukon komumaasi sidutu lomba.
Ikoo todudul pentingkanggene Komu perjanjian
tukon kalu tongo mian napandapat tentang doi butomu
doiya aki mupentingkanggene.
3Doi tempo kuuangan doi-Koo, Ikoo timbiliyaku,
Ikoo ekeenggele konoanggu teali yaku barani.
4Sasaibino kotomundo doi dunia naikon ngaale Ikoo, oh Temeneno,
sabab yanila lengelemo Komu perjanjian.
5Yanila naikon manyanyikene tentang Komu kokubai
tukon Komu babasalan kaliangano.
6Ikoo todudul tololongol,
bai komo minosikiton Ikoo palatikanggene koidan,
komian mobabanggaal aki namoola seekene kobutongo doi-Koo.
7Doi tempo kukanakonan susa,
Ikoo palatanggene daku tuboan.
Daku musuh modaanoon mobanggimal Ikoo lawane
tukon salamatanaku luwedoi Mukuasa.
8Ikoo naikon tapatiyo Komu perjanjian doiyaku;
tukon inaikai motadeiyo Komu dagaiyano Komu umat.
Currently Selected:
SADEONG 138: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
