SADEONG 137
137
Mandaungan doi Babel paisuno batango bibilo
1Doi Babel paisuno batango bibilo
kami osulang tukon kokiil kalu kami neneeke ko Sion.
2Doi gandarusa batang-batango modaano doi lipudoo
doiyamo komai isonano komai kacapi.
3Komian motaane kami
sumboliikami sulano mai manyanyikene yanila.
Komian molai-lainggene kami
sumboliikami momanyanyikene kolagu-lagu mogembira,
“Pomanyanyikanggamikai kolagu-lagu moluwedoi Sion!”
4Pantaskai doi mian nalipu
maka mai manyanyi doi Temeneno.
5Batadikanakumo naakimo koidan kumoola momanyanyi
kalubaimo yaku motoliminggene ikoo, Yerusalem!
6Batadikanakumo naakimo koidan kumoola momanyanyi
kalu baimo yaku motoliminggene ikoo
tukon ikoo akimo nateali kusoopan!
7Oh Temeneno, neneekekai ko Edom miano nakokubai
doi napo manasano kabus ko Yerusalem.
Konapo bantilano, “Lubangemo,
lubangemo polong doi nadasar-dasar!”
8 #
Ink. 18:6
Eh Babel, ikoo naikon inakamas!
Kinatauwankai doi mian mobalase doikoo
kokulokisan ikoo molakukanggene doi kami.
9Kinatauwankai doi mian moalayo kopopau-pau lumboon
tukon motikakene doi lipu mobatu-batuon.
Currently Selected:
SADEONG 137: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
