SADEONG 127
127
Nggaalano ko Mian Bisa namonondokan
1Salomo nanyanyian.
Kalu bolikon Temeneno komo bangune kobonua,
akiyo kotakoso kotukang-tukango mo balimang.
Kalu bolikon Temeneno komo eseepe kita,
akiyo kotakoso kopongawal mobadagai.
2Palasuma konda kakaatean mobalimang momounggolii buat,
nda bangun dowa-dowa tukon moolo malumbit kopopook;
bai doi yanila ko Temeneno momamaasikene lapamo masadiakene buat,
mau nadaanoon yanila momoola.
3Kopau-pau doiyakai Temeneno komo beekene doi kita,
tukon doi yaniladoo tutuu Mian Bisa napebee doi kita.
4Pau-pau malaneno molinaat doi napaumalanekonan
pokakana kopana matano modaanoon doi talenga limano.
5Kinatauwankai komian mo daano kona persediaan
pokakana dopana-panadoo!
Yana aki naikon nalinunggui,
doi tempo nasasalaanano kona musuh doi pangadilan.
Currently Selected:
SADEONG 127: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
