SADEONG 128
128
Balakaat motuuk doi rumah tangga
1Nyanyian ziaraan.
Kinatauwan komian mo taat
tukon tubo loingiyo ko Mian Bisa naparenta.
2Ikoo naikon kaane komu limang hasilo,
tukon ikoo tubo sanaang tukon aman.
3Komu boloki pokakana koanggur batango mo molumbang
doi mubonua lalomo.
Komu pau-pau pokakana ko zaitun batango sopiino
doi potikunggon komu meja.
4Bunomokai doiya ko Temeneno nabalakaatiyano
komian mo taat.
5Boliisi luwedoi Sion ko Temeneno
nabalakaatiyo ikoo.
Boliisi mukitayo ko Yerusalem nabadaangan kohasilo
polong ikoo pomatekon!
6Boliisi namalumbit komu tuboan,
tukon mumoola kitayo komu pau tumbu!
Boliisi komu umat naaman!
Currently Selected:
SADEONG 128: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
