SADEONG 126
126
Sambeang makabian luputan
1Nyanyian ziaraan.
Salataa ko Temeneno naabalingganano ko Yerusalem miano natuboan,
kita pokakana komian moolumon!
2Kita banggadudul kokumbit tukon manyanyi labalabaan
sampe kobangsa-bangsa bailon bantile,
“Ko Temeneno lapamo lakukanggene kolangge-langge mo hebat doi yanila!”
3Takainomo ko Temeneno lapamo lakukanggene kolangge-langge mo hebat doi kita!
Tobikon doiya sio nda labalaba!
4Oh Temeneno, abalinggene komai tuboan doi naamanan lalomo,
pokakana kopaisu batango momooti salataa udan daano kopaisuno koidan.
5Boliisi komian mo motipas kolibuang yanila nakokiil,
bai doi napo bapadakan yanila labalaba.
6Komian mo taus motipas kolibuang doi naasi,
tulo-tulo komatanoila paisuno.
Yana mule labalaba tukon manyanyi
sabab yana mule babayo kona asi hasilo.
Currently Selected:
SADEONG 126: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
