SADEONG 125
125
Soop doi Temeneno aman tuuno
1Nyanyian ziaraan.
Komian mo maangga doi Temeneno,
yanila pokakana ko Bunggul Sion
mo moonggol tukon aki natounggot,
tukon bataanggon sidutu-posidutukon.
2Pokakana kobunggul-bunggul mosinggouliyo ko Yerusalem,
pokakanamokai doiya ko Temeneno nasinggouliyano Konamian
diabudodoo tukon sidutu-posidutukon.
3Komian mo lokis aki naikon naberkuasa momeenggon
doi mian mo moloyos konoano nabuta pusaka,
sulano komian mo monondok konoano naaki natalalaing momokubai lokis.
4Oh Temeneno, tudoikenekai komu monondokan doi mian mo taat doikoo,
doi mian mo moloyos konoano.
5Bai komian moaki namoloyos konoano
boliisi ko Temeneno naukume polaing-laing komian mo lokis.
Boliisi Konaumat naaman!
Currently Selected:
SADEONG 125: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
