SADEONG 124
124
Mian Bisa Naumat nasoopan
1Daud nanyanyian ziaraan.
Bulaando kalu andeno ko Temeneno aki naala doi kita?
Eh ko Israel miano, potimbiliyo buno naiya:
2“Kalu andeno ko Temeneno aki naala doi kita
doi tempo konda musuh nalobosiano kita,
3pasti kita linomoso tubo-tubo,
luwedoi napo nggimalan mo lobi-lobiano.
4Pasti kita linalino lomba,
tukon kita molonoso doi paisu,
5maka nda mate tombul
doi paisu nabaputaran lalamo.”
6Mai nda basukuur doi Temeneno,
sabab Yana aki nabatadikene konda musuh naakateyo kabus kita.
7Kita pokakana kotomisi mo tongosodii doi mian natalong,
sabab dotalonggo botolo, tukon kita tongosodiimo!
8Konda tulungan lubat luwedoi Temeneno
mo pasitakayo kotimbu tukon buta.
Currently Selected:
SADEONG 124: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
