SADEONG 108
108
Sambeang makabian tulungan motuuk doi musu.
(Sad. 57:7-11, 60:5-12)
1Nyanyian. Daud na Sadeong.
2 #
Sad. 57:8-12
Oh ko Mian Bisa, daku maanggaan tataap moonggol,
yaku yase momanyanyi tukon nggaale Ikoo.
Bangunokai eh, konoanggu!
3Bangunokai eh, gambus tukon kacapi!
Yaku yase mobangune kooloyo panano.
4 Temeneno, yaku yase basukuur doi-Koo
doi sasaibino kobangsa-bangsa.
Yaku kilayo manyanyikene konyanyian nggaalano doi-Koo
doi sasaibino kobangapi.
5Sabab Komumaasi babasal polong doitimbu
tukon Komusetian polong doi bunom-bunom.
6Oh ko Mian Bisa, okitakenemokai Komu babasal doi timbu,
tukon Komu taanggaan doi posaapon kodunia.
7 #
Sad. 60:7-14
Salamatanggamimokai tukon Mukuasa, timbiliyokai komai sambeang,
sulano komian Ikoo moseseange nasinalamaton.
8Luwedoi nadungolan momoliyous ko Mian Bisa bantile,
“Yaku yase wookon laba ebes-ebese ko Tano Sikhem,
ko Sukot Pepelako naikon Yaku undiyo.
9Gilead tukon Manasye daanokai Kumian pinili,
Efraim Kukalambi songgono,
tukon Yehuda Kutongkat batomundoan.
10Bai ko Moab daanokai tampat Kukumosiano koainggu;
Yaku wookon laba luwe Filistea namanaangan.
Doi Edom Yaku sakukene Daku sapatu,
salaku paloosan baikon yana Koonggumo.”
11Indee naikon komo babaaku doi Edom?
Indee komotandanaku doi kotadoo mopinagal kayung molinapis buta?
12Oh ko Mian Bisa, akikai Mupoolaing pososinggat kami?
Akikai Mupoolaing maju komai suludadu?
13Tulungikamikai molawane komai musu,
sabab kobanggapi nabantuan akiyo kogunano.
14Kita naikon tambongan barani, kalu kita poolaing ko Mian Bisa;
sabab Yanamokai komo lungguyo konda musu.
Currently Selected:
SADEONG 108: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
