SADEONG 109
109
Sambeangan doi susaan lalomo
1Tuuk mokatuaiyo konyanyian. Daud na Sadeong.
Oh Mian Bisa mosidutu kunggaale,
inaikai motongo batingaakon.
2Sabab komian molokis tukon mopanipu lubat tukon lobosiyaku
mobabilitakene kosalita-salita kaliangano mokala doi yaku.
3Yanila lubat lobosiyaku tukon bantilan-bantilan momoono mosikitan,
tukon lobosiyaku akiyo konaalasan.
4Yanila tuduwaku, maukai kuseseange yanila,
tukon maukai kusambeanggenemo yanila.
5Yanila balase daku monondokan tukon kulokisan,
tukon daku seang balase mosikitan.
6Odudukemokai komeeng komian molokis sulano naadiliyo yana,
batadikenemokai kona lawan natuduwo yana doi hakim salaano.
7Batadikenemokai nainadili tukon natontong konasala,
tukon batadikenemokai konasambeang tongo inaanggon dosa.
8 #
Kis. R. 1:20
Batadikenemokai konatuboan namosobit pupus,
tukon konatugas mian bailon naalayo.
9Batadikenemokai konapau-pau nateali tuboon,
tukon konaboloki nateali balu.
10Batadikenemokai konapau-pau nateali mian baikaikabi molausala,
tukon siniika luwedoi nabonua natabaakan.
11Batadikenemokai sasaibino konalobo kopatagi samea nasitayo,
tukon konalimang hasilo mian bailon lambasemo.
12Inai nadaano komo monondok konoano doiyana,
kai moseseange konapau-pau mootinggalemo.
13Batadikenemokai konambumbu nakulokisan nainakate kabus,
tukon kosambuno komian motubu doibundu natoliminggenemo.
14Batadikenemokai konambumbu nakulokisan ko Temeneno nataap neneeke,
tukon kotinano nadosa aki nainapusanggon.
15Batadikenemokai konapo dosa ko Temeneno nasidutu neneeke,
tukon akiyo komo tandandayo yanila doi dunia.
16Sabab do mianoo aki nabiasa neneeke
kookitakonano komasi tukon seang.
Yana sakisaayo komian motalalais tukon mosakisaa,
tukon akateyo komian moakiyono konadaya.
17Yana yase momokutuk;
batadikenemokai yana susungo nakanakon kutuk!
Yana aki nayase mebee balakaat,
batadikenemokai naakiyo kobalakaat motuuk doiyana!
18Doiyana dokutukoo tongo kokubai mobiasa tolong,
tongo buno pokakana konakonoikanano konapakean.
Batadikenemokai dokutukoo natulo buno paisu doi butongo,
tukon pokakana kolisison doi buku-bukuno.
19Batadikenemokai dokutukoo natombukiyo yana pokakana kopakean,
tukon nasidutu gagese yana pokakana kopokoot mianowako.
20Oh Temeneno, otuwengemokai dohukumanoo doi motuduwaku,
luwedoi mian mobasilingan lokis doiyaku.
21Bai tulungiyokai pokokonoy Komu janji,
oh Temeneno ku Mian Bisa,
salamatanakukai sabab komu monondokan tukon museang.
22Sabab yaku talalais tukon sakisaa,
tukon konoanggu pokolon tuuno.
23Adukon yaku lapus pokakana kolangge mbombokouno doi nakinobianan,
yaku tinipason pokakana kobetek.
24Kotuulonggu lolondong sabab yaku apata,
kobutonggu teali molisuk motuul.
25 #
Mat. 27:39; Mrk. 15:29 Komian mokitaaku totulaiyaku
tukon sua-sualilinggene kooluno.
26Tulungiyakukai, oh Temeneno daku Mian Bisa,
salamatanakukai pokokonoy tukon Mumaasi.
27Maka daku musuh naikon toiyo baikon doiya Mukokubai,
baikon Ikoo, Temeneno, komo lakukanggene.
28Maukai napo kutukaku,
boliisi Ikoo mubalakaatiyoku.
Maukai napo kokondong molawanaku, bai yanila naikon komo mamaa;
bai boliisi yaku, namu atania, natinealikon labalaba.
29Batadikenemokai komian motuduwaku natinutupi pototulay,
tukon rasaiyano komamawan natombukiyo yanila pokakana ko jubah.
30Yaku yase monggaale ko Temeneno tukon alalonggu mobabasal,
tukon babilitakene Yana doi mian napototongian tanga-tangano.
31Sabab yana belayo tukon salamatene komian motalalais
luwedoi yanila mootuwongikene kohukuman mate doi mian motalalaisoo.
Currently Selected:
SADEONG 109: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
