SADEONG 107
107
BUKU KELIMANO:
SADEONG 107-150
Ponggaalekai doi namonondokan ko Temeneno
1 #
1Tund. 16:34; 2Tund. 5:13, 7:3; Ezr. 3:11; Sad. 100:5, 106:1, 118:1, 136:1; Yer. 33:11 “Basukuurkai doi Temeneno sabab yana monondok,
Kona maasi sidutu-posidutukon tukon akiyo konapupusan.”
2Poulang-ulange kopobantilano doiya,
eh komuyu mosinalamatono luwedoi susaan.
3Komuyu pinototongikono luwedoi tano-tano bailon,
luwedoi tolopot tukon talise, lembet tukon lalom.
4Daano komo lausala doi padang moluas,
tukon akimo toiyo kololoon mosuutiyo kodungolan doi Kota.
5Yanila malaal tukon molou
tukon lapus sasaibino Konamian.
6Doi susaan lalomo yanila uwang doi Temeneno,
tukon Yana oluputemo yanila luwedoi todopitan.
7Yana taaniyo yanila mololoi loloon momoloyos
doi tampat dungoliano kokota.
8Pantasokai napo basukuur doi Temeneno sabab namaasi,
tukon koidan konalimang-limang banggapi mo masaindinggene.
9Sabab Yana akambule komian momolou,
tukon lobiyoniyo kinaan komian momalaal tukon sasaibino komo monondok.
10Daano komo papanggung doi kalipookan lalomo,
komian motinauan mosusa doi papanga besi lalomo,
11sabab yanila nggimoliyo ko Mian Bisa
tukon aki napopusinggon Komo Babasal Konakuasa.
12Yana akamanase konoanoila tukon balimangan mobabalat,
yanila tuwong tukon akiyo komo tulungiyo.
13Doi susaan lalomo yanila uwang doi Temeneno,
tukon Yana olupute yanila luwedoi napo todipotan.
14Yana tobuatene yanila luwedoi nakalipookanan,
tukon Yana lotoyo kopapangano yanila.
15Pantasokai napo basukuur doi Temeneno sabab Namaasi,
tukon koidan Konalimang-limang ko banggapi momasaindinggene.
16Sabab Yana lubange mo ko tataapon-tataapon tambaga,
tukon manase koposupat-posupat besi.
17Daano komo ponga tukon susa sabab napo dosa-dosa,
tukon sinakisaa sabab napo kasalahan.
18Yanila modoko doi sasaibino kokinaan,
sabab konapo ajal loolanimo.
19Doi susaan lalomo yanila uwang doi Temeneno,
tukon oluputene yanila luwedoi napo todipotan.
20Tongo tukon naparenta yanila tangalin,
tukon oluputene yanila luwedoi kibul liango.
21Pantasakai napo basukuur doi Temeneno sabao namaasi,
tukon koidan Konalimang-limang kobanggapi momasaindinggene.
22Batadikenemokai napo basukuur tukon mababa sosubakon,
tukon napo babilitakene Kona kokubai tukon lagu laba-labaan.
23Daano koidan komo pintosiiyo kotobun tukon kapal,
sabab mangambakene konatuboan doi tobun mobebelan.
24Yanila kitayo ko Temeneno nakokubai kokubai,
Konalimang mominasaindinggon doi tobun dapango.
25Kosokoy puul tongo tukon Naparenta
tukon tealikene babasal tuuno kobokol-bokolo.
26Kokapal-kapal toluwanggon tatandak doi dapang,
maka natapapanggon doi tobun dapango.
Komian lapus konabaranian
mosasalaane kobahayadoo mobabasal.
27Yanila pusing tukon tonggoinggolinggon domba-dosumai
pokakana komian momalangu tukon lapuso konaakal.
28Doi susaan lalomo yanila uwang doi Temeneno,
tukon Yana oluputenemo yanila luwedoi napo todipotan.
29Kosokoy babasal tuuno Yana moola naatadeyo,
tukon kobokol-bokolkai teali molino.
30Yanila sanaango sabab kosokoy babasal tuuno lapamo lapa;
Yana babayomo doi polabuhan mopinakatuu.
31Pantasokai napo basukuur doi Temeneno sabab namaasi,
tukon koidan Konalimang-limang kobanggapi momasaindinggene.
32Yanila babotilanggene ko Temeneno nababasalan doi Namian tanga-tangano,
tukon nggaale Yana doi orang-orang tua napomeenggonan lalomo.
33Yana boliiyo kopaisu-paisubatango teali padang lalomo
kopaisu matano teali buta motuul.
34Kobuta mosubur Yana tealikene padang momotono,
sabab komian modungoliyo nakulokisan.
35Kopadang lalomo momotuul Yana boliiyo teali paisu lelang,
kobuta momotuul teali paisu matano.
36Komian-mian momalaal Yana abese indaa;
yanila mongokkondong kota tuuk napo dungolan.
37Koasi-asi yanila tiposiiyo kolibuang tukon masakakon anggur batango,
yanila mokombulo kohasil molobi-lobian.
38Ko Temeneno beena yanila pau mobadaang,
tukon konapo iyayon banggadudul kolibuang badaang.
39Bai yanila linunggui tukon baino soisik komototinggal
sabab sakisaa tukon napolinailainggonan motodudul lokis.
40Ko Temeneno totulaiyo sasaibino kona penguasa,
tukon sumboliiyomo yanila molausala doi padang lalomo
momosoloton moakiyo kololoono.
41Bai komian motalalais inoluput luwedoi napo susaan,
kopulinoila sosungi pokakana kodomba tambuno mo badaang.
42Komian momoloyos konoano yana kitayo tukon labalaba,
bai komian molokis kinukupo kobabano.
43Boliisi komian mopandoy napikikene sasaibino dolanggedoo
tukon napo akuiyo baikon ko Temeneno tataap seseange konamian.
Currently Selected:
SADEONG 107: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
